Diola: Kapayason!

-A A +A

Saturday, May 25, 2013


Fr. Carmelo O. Diola

BINASI sa Mga Panultihon 8:22-31; Salmo 8; Taga Roma 5:1-5; ug Juan 16:12-15

Aduna pa unta akoy dag­hang isulti kaninyo apan dili pa kamo makahimo pagpas-an niini karon. Apan inig-abot sa Espiritu sa kamatuoran, tul­to­lan niya kamo sa tanang kamatuoran, tungod kay dili si­ya mosulti gikan sa iyang ka­ugalingon, apan ang binsan unsa nga iyang madu­ngog isulti niya ug ang mga umaabot ipahayag niya kaninyo. Siya maghimaya kanako tungod kay siya modawat sa unsay akoa ug kini ipahayag niya kaninyo. Ang tanan nga iya sa Amahan akòa usab; tu­ngod niini nag-ingon ako nga modawat siya sa unsay akòa ug kini ipahayag niya kaninyo.

Lisod sabton ning dakoda­ko sa Comelec, si Chairman Brillantes. May nakamatikod nga magtutudlo sa Matematiks sa Ateneo de Manila nga ang mga boto alang sa pagkasenador morag adunay “pattern” nga 60% alang sa LP, 30% sa UNA, ug 10% sa mga indepen­diente. Sa unang tan-aw, morag giprograma nang daan ang resulta.

Mitubag siya nga nagka­nayon: “Klaro nga walay tikas. Nakasiguro ako niini tungod kay ang “pattern” nga ilang gi­hisgotan (kon tinuoray) mag­pasabot nga kini giprograma nang daan. Apan wala gayod kini programaha.” Kining tu­baga morag tubag sa usa ka piniyalan nga gipahibalo nga nasunog ang butang nga giitregar kaniya. Moingon ang hingtungdan nga walay sunog kay wala kini niya buboi og gasolina! Wala niya panumba­linga ang problema kay kuno walay problema.

Dili baya lalim ning tahas ni Brillantes. Ang tibuok nasod gyod ang iyang kaatubang niini ug lisod ang nga hagit sa piniliay. Apan wala pod makatabang ang iyang kinaiya kay daw manghasi dayon siya. Miingon gyod siya nga “99.99% ready” ang Comelec ug nga duha ka porsyento (o 1,560) sa mga PCOS machines ang ma­daot. Ang migawas kay 18,000, o 24-25 porsyento, sa mga PCOS machines ang nadaot sulod sa 78,000 ka mga makina! Wala pa ang piniliay gipahimangnoan na siya sa pipila ka mga pundok mahitungod niini apan wala niya sila panumbalinga. Dili siya maantigong maminaw! Kapayason kaayo.

Gawas pa niini, nagdalidali sila og proklamar sa mga mananaog sa senado bisan pag wala pa mogawas ang somatotal sa mga boto. Ilegal kuno kini, misuwat si kanhi Chief Justice Panganiban. Naunsa na man ni!

Ang kamatuoran mao ang buhing tinubdan ug lintunganay sa pagpadagan sa banay, sa kasilinganan, sa siyudad, ug sa nasod. Kon kining mga relasyon wala manukad sa kamatuoran, o kon ang pagpangita sa kamatuoran pakgangon, dili molambo ang banay, kasilinganan, siyudad, ug nasod.

Ang Santisima Trinidad hing­pit nga larawan sa pa­nag­hiusa tungod kay hingpit ang ilang pagbinayloay sa ka­matuo­ran nga mao mismo sila. Kon unsay nadungog sa Es­p­i­ritu Santo gikan kang Jesus ma­o usab ang iyang ibaambit sa mga magtutuo, apan sa hinayhinay nga pamaagi kay adunay panahon alang sa ta­nan. Sa iyang bahin, gipaambit ni Jesus ngadto sa Espiritu San­to kon unsay iyang nadungog sa Amahan. Gani ang kala­mabitan tali sa Anak ug Amahan mao man ang Espiritu Santo.

Pangilin karon sa Santisima Trinidad. Gugma ang waysi­nugdanan ug malungtarong bunga sa hingpit nga pagbinayloay sa Amahan ug Anak.

Gani ang Espiritu Santo mao ang Diosnong gugma. Kitang mga magtutuo giawhag ilabina karong adlawa pagpamalandong kon misubay baa ng atong mga kinabuhi sa panig-ingnan Santisima Trinidad.

Maantigo ba kita magbinayloay og hunahuna ug mga kabtangan sa usag-usa? Buhi ba ang atong mga relasyon sa banay pinaagi sa pag-i­nambitay? Unsa may mga ba­bag sa atong kinaiya, panghunahuna, ug pamaagi sa tinu­oray nga pag-inambitay?

I-ampo nato ang atong mga napiliang lider. Hinaot pa unta nga bukas ang ilang mga hunahuna sa inspirasyong gikan sa Santisima Trinidad. Hinaot pa unta makat-on sa pagdawat si Brillantes og mga pangutana, komentaryo, ug pagsayaw tungod ug alang sa atong katilingbanong panaw padulong sa kamatuoran.

Santisima Trinidad, kaluy-i kami!

Gipatik sa mantalaang SuperBalita Cebu Mayo 26, 2013.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
Holy Week 2014

FOREX: US$ 1.00 = PhP 44.420

Bangko Sentral ng Pilipinas

Philippine Lotto Results

Gamesort iconCombinations
6Digit7-2-0-8-1-6
Swertres Lotto 11AM8-9-8
Swertres Lotto 4PM4-5-2
Swertres Lotto 9PM6-0-7
EZ2 Lotto 9PM04-02

Today's front page

Sun.Star SuperBalita Cebu front page for April 21, 2014
Sun.Star Jobs
  • SunStar Celebrity
  • Philippine Polls
  • Festivals
  • Pacman blog
  • Calamity Report
  • Sinulog
  • Pnoy
  • Habemus Papam
  • Sun.Star Zup!
  • tell it to sunstar
  • Obituary
  • Filipino Abroad
  • Sunstar Multimedia
  • ePaper
  • Technology
  • goodearth