Editoryal: Maorag zombie

-A A +A

Thursday, August 15, 2013


KON maminaw ka sa mga balita kalabot sa taudtaud nang mibuto nga pork barrel scam, di kalikayan nga mokagot ang imong mga ngipon ug gusto kang mosuka sa kaluod sa gibuhat sa mga pulitiko.

Ingon ana gyud diay sila ka hakog sa salapi, nga bisan ang kaban sa kagamhanan ila pang hakpon ug tilapan.

Labaw pa sila sa bampira nga mosuyop og dugo sa tawo. Matandi sila sa mga zombie sa mga salida nga di lang dugo ang kan-on, apil na ang mga unod. Luod, di ba?

Advertisement

Dinhi sa Sugbo mibuto usab ang isyu sa pork barrel scam. Nasubay sa imbestigasyon nga ang P3 milyunes kapin sa priority development assistance fund (PDAF) ni kanhi kongresista Antonio Cuenco nagamit sa di tinuod nga mga pasyente.

Apil sa nahatagan ang kunohay mga pasyente nga nanginahanglan og rabies vaccines ug uban pang mga tambal.

Daghan diay ang napaakan og iro dinhi sa Sugbo? O mao lang ni ang labing sayon nga paagi sa pagpangilad?

Nakahuna-huna ba kaha kining mao nga mga opisyal, kana kon tinuod man, nga sa pagkawkaw sa mao nga salapi, gatusan ka mga tawo ang nahikawan sa batakang serbisyo.

Pila ka mga pasyente nga nangamatay nga maluwas unta pinaagi sa mao nga pundo? Wa ni nila huna-hunaa. Nagpasulabi ang kahakog.

Wa gyud silay kalainan sa zombie. Gawas nga bangis, way katagbawan ang kagutom.

Gipatik sa mantalaang SuperBalita Cebu Agosto 16, 2013.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

superbalita-cebu-2014-12-21
Sun.Star Jobs
  • Pacman blog
  • Filipino Abroad
  • Technology
  • Pnoy
  • Sunstar Multimedia
  • Obituary
  • Calamity Report
  • goodearth
  • ePaper
  • Sun.Star Zup!
  • Festivals
  • Habemus Papam
  • tell it to sunstar
  • Sinulog
  • Philippine Polls
  • SunStar Celebrity