Editoryal: Danlog nga prangkisa | SunStar

Editoryal: Danlog nga prangkisa

Time to read
1 minute
Read so far

Editoryal: Danlog nga prangkisa

Sunday, June 18, 2017

Editorial Cartoon By: Ariel O. Itumay

GIKATAHO nga nag-ung-ong ang pag-abli og mga prangkisa sa Land Transporation Franchising and Regulatory Board (LT­FRB) 7 ug hinaut nga dili maadto lang sa mga kamot sa pipila ka dagkong operators ug koope­ratiba sa sakyanan alang sa makiangayon nga kahigayonan sa tanan sa pagnegosyo og sakyanan.

Natukod ang LTFRB aron pagtutok sa kaayohan sa transportasyon sa kamad-an ug patas o balanse nga pagpatuman sa mga lagda tali sa mga sumasakay ug tagdumala sa sakyanan lakip sa mga drayber. Apan dakong bulilyaso kini sa dagan sa katuigan human sama sa nagtumaw ang mga monopoliya. Pananglitan sa taxi, dili ikatamod ug dayag nga kamatuoran nga usa ka tawo o kompaniya nanag-iya og lini­bo ka units ug ang uban gibahin sa lainlaing ngan sa kompaniya apan usa lang ang nanag-iya.

Usa kini sa hinungdan nga nagmahal ang prangkisa ug danlog kaayo maangkon sa gagmayng negosyante gikan sa LTFRB. Dili tiaw, ang kantidad sa prangkisa sa 'black market' hapit na mokantidad og usa ka bag-ong unit sa awto. Ang pangutana kon nganong maduwa sa maong merkado ang prangki­sa?

Ug ang nakaparat, ang monopoliya sa taxi maoy hugot nga supak sa transport network vehicle services (TNVS), diin napa­matud-an nga epekto sa gawas sa nasod ug wala mokompetensiya sa tradisyonal nga taxi service, kana kon madumala pag-ayo sa LTFRB nga luwas sa korapsiyon.

Ning sayo pa lang, dili hatagan og daghang prangkisa ang usa ka tawo o kompaniya ubos sa TNVS (Uber ug Grab cars). Usa o duha lang para dili mahitabo ang susamang bulilyaso sa taxi. Namatikdan nga dunay mga kuwartahan karon nga namalit og bag-ong sakyanan ug gipaubos sa TNVS. Gawas sa kontrol sa LTFRB, mandoan nila ang Uber ug Grab nga mohimo og samang kontrol sa units nga dawaton sa usa ka tawo.

Nasayod kita ang problema sa prangkisa nasunod lang sa kasamta­ngang opisyal sa LTFRB. Dakong hagit kini kanila.

Gipatik sa mantalaang Superbalita Cebu Hunyo 19, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments