Barrita: Long life program | SunStar

Barrita: Long life program

Time to read
1 minute
Read so far

Barrita: Long life program

Sunday, July 16, 2017

USA sa mga programa a­­lang sa maa­yong pang­lawas nga gipatu­man ni Cebu City Mayor Tomas Osmeña sa iyang pagbalik paglingkod sa Cebu City Hall mao ang Long Life Medicine Assistance Program (LLMAP) nga adunay kapin sa 29,000 ka beneficiaries, kasagaran kanila senior citizens.

Ubos ning maong programa, ang tambal ihatod matag ad­law ngadto sa panimalay sa mga beneficiaries. Dunay mga sinu­ho­lan sa gobyerno sa siyudad nga manuktok sa ilang mga pul­tahan aron paghatod sa tambal.

Matod pa ni Osmeña, “This is a highly modified and highly disciplined version of City Hall At Your Doorstep because literally in your doorstep, not in your barangay.” Diretso og hatod ang tambal sa balay, labi nag di sakop sa Bando Osmeña Pundok Kauswagan (BOPK) ang barangay kapitan.

○ ○ ○

Matod ni Osmeña, mao kini ang labing maayong healthcare system sa tibuok kalibotan kay kon ang tanan motomar sa ilang inadlaw nga tambal, mas minos ang masakit. Kon mas minos ang masakit, minos sab ang gasto sa siyudad sa pagpaospital.

Dugang pa niini, matod pa niya, kon minos ang masakit, minos sab ang mangamatay ug makadaginot ang siyudad sa burial expenses.

○ ○ ○

Apan nganong ihatod man gyud ngadto sa tagsa-tagsa ka mga panimalay sa kapin sa 29,000 ka beneficiaries sa LLMAP? Matod ni Osmeña, ang beneficiaries nga sagad senior citizens malimtanon na ug usahay makalimot sa pagtomar sa ilang mga maintenance medicines.

Ang maong mga tambal nag­la­kip niadtong alang sa hyper­ten­sion o alta-presyon, diabetes ug arthritis. Ang konseho bag-o lang nga nigahin og budget nga P13 milyunes alang niini.

Pero kining giingon sa ma­yor nga malimtanon ang senior citizens nakapahinumdom nato sa estorya bahin sa bata nga niingon ngadto sa iyang apohan, “Lo, nganong naa may suppository sa imong dunggan?”

Ang suppository ipasok sa lubot aron daling makapaga­was sa hugaw. Tubag sa apohan, “Maayo apo, nakahinum­dom na ko kon hain nako gipa­sok ang akong hearing aid.”

Gipatik sa mantalaang Superbalita Cebu Hulyo 17, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments