Binghay: Pink nga Oktubre | SunStar

Binghay: Pink nga Oktubre

Time to read
1 minute
Read so far

Binghay: Pink nga Oktubre

Friday, October 06, 2017

DAGHANG mga tinuhuang way basihan ang makapasamot og pakulba ug kahadlok labi na niadtong nagkuwang sa kahibalo o way kabangka-agan mahitungod sa ikaduhang pinaka mangtas ug makamatay nga sakit sa kababayen-an, ang Breast Cancer.

Tinuhuang buktot sama sa paggamit og baratuhong deodorant, pagkabun-og, pagpagamay o pagpadako sa suso, breast implants, pagsabak, pagpatotoy hasta paggamit og bra nga dunay underwire.

Karong buwan sa Oktubre, atong ikukabildo ang pagsaulog sa Breast Cancer Awareness Month.

Matod sa Mcgrath Foundation nga naghimo og lawom nga pagtuon og padayong nag-edukar mahitungod ining sa­kita, sa America pa lang, kada tuig subra na 250 mil kababayen-an ang nagka-sakit ini.

Sa laktod nga pagkasulti, usa sa walo ka babaye ang nagkasakit ini. Taas og puruhan kadtong dunay kaliwat daan nga may breast o ovarian cancer, naggamitan og contraceptive pills, subra na sa 50 anyos, pala-inum og makahubog nga ilimnon ug soda, kusog manigarilyo o kanunay maka hanggap sa aso niini, sayo gidugo (wa pa mag 12 anyos) ug dugay nag menopause (subra 55 anyos). Apil sab sa risgo kadtong kuwang sa ehersisyo, subra sa timbang o duna nay daang gipamati sa ilang suso.

Unsaon man pag-ila ni-ini?

Atubang sa samin nga magtindog dayon i-isa ang kamot sa may suso ibabaw o luyo sa ulo dayon himaya og tagsa-tagsa ang imong suso sugod sa ilawom sa ilok. Mahimo sab kini nimong buhaton nga maghigda.

Kining nga mga kausaban sa totoy ang dapat bantayan: pag-usab sa hitsura, gidak-on o porma, bugol-bugol nga mahikapan, kausaban sa kolor (mo pula o lagum nga murag nabun-og), rashes o katol-katol, ugat-ugat nga nanggawas, lupyak nga sama sa kandiis, makasinati og ka sakit nga wala kaniadto, pag gawas sa dugo o nana sa may atngal, og hubag o burot ilawom sa ilok.

Kung kini imong makita o mahilaman, ayaw dayon pag panic kay kasagarang kalainan o kausaban dili man hinuon cancer. Way kumo kung magpa check-up gilayon sa mananambal para sayo nga maagapan.

Gipatik sa mantalaang Superbalita Cebu Oktubre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments