Espinoza: Babay, Cardinal Vidal! | SunStar

Espinoza: Babay, Cardinal Vidal!

Time to read
1 minute
Read so far

Espinoza: Babay, Cardinal Vidal!

Monday, October 23, 2017

SIRADO. Sa walay dag­han pasikotsikot, gi-orde­ran na ni Mandaue City Mayor Luigi Quisumbing ang pirmanente nga pagsira sa dumpsite sa dakbayan sa Barangay Umapad agi og subay sa lagda sa RA 9003 kon Ecological Solid Waste Management Act of 2000.

Niadtong tuig 2009, sa pa­nahon ni Mayor Jonas Cortes, karon kongresista sa ika-pito nga distrito, gisira ang dumpsite ug nagbuhat og usa ka hektarya nga sanitary landfill nga giablihan niadtong Abril 2015. Apan karon napuno na usab.

Asa na ilabay ang tolinadas nga basura gikan sa mga kabalayan ug mga kompaniya? Matod pa, si Mayor Quisumbing nga magbutang ang dakbayan og gitawag nga “residual containment facility”

Ang kining “residual containment facility” usa ka tek­nolohiya o pasilidad nga ma­oy motratar sa gitawag nga residual waste nga paliton sa dakbayan sa Mandaue aron maprotektahan ang kalikupan ug ang katawhan.

Naggahin og P170 milyunes ang Mandaue alang sa city central material recovery facility (MRF). Pung pa ni City Planning and Development Office head Marlo Ocleasa, ang pundo ipalit og mga conveyor nga maoy mobahig sa basura.

Sa dakbayan sa Cebu miabot sa korte ang kombate usa nasirhan ang puno na nga Inayawan dumpsite nga giablihan og balik ni Mayor Tomas Osmeña sa iyang paglingkod nga mayor human sa miaging piliay.

Gipasira ni kanhi mayor Mike Rama ang Inayawan dump­site tungod kay milapas na sa iyang edad ang kapasidad sa basura, baho na ug daghan na usab ang mga establisamento sa SRP, nga duol ra sa Inayawan dumpsite.

Gipaablihan og balik ni Mayor Tomas ang dumpsite tungod kay wa siya mahimuot sa mga establisamento sa SRP kay iyang bawion ang yuta hinungdan nga mipasaka og kaso si Konsehal Joel Garganera sa DENR ug sa Korte. Gani, gipasira usab kini ni kanhi DENR Secretary Gina Lopez ang dumpsite.

Sa dakbayan sa Mandaue atong makita nga ang mga opisyales, labina ang mayor, dunay direksyon ug paglantaw sa kaugmaon sa tanan tungod sa nagkagrabe nga problema sa atong kalikupan nga ang tinubdan mao ang nagkadaghan nga basura ma­tag adlaw.

Ang una nga gipatuman ni Mayor Quisumbing sa iyang paglingkod ang di paggamit sa plastic bags sa mga tindahan ug supermarket. Ang mga plastic bag maoy usa sa mga hinungdan sa baha kay makabara sa mga kanal.

● ● ●

HOLIDAY. Daghan ang misupak sa giplanohan nga Holiday duyog sa paglubong ni kanhi Cardinal Vidal sa Huwebes bi­san wa pa gani mapirmahi sa Presidente ang maong order.

Gipatik sa mantalaang Superbalita Cebu Oktubre 24, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments