HBO, Golden Boy Promotions nabalaka kang Mayweather

NABALAKA na ang mga tawo nga mas nakaila kang Floyd Mayweather Jr. sa negatibong mga panghitabo nga nasudlan sa kanhi pound-for-pound champion.

Sa miaging semana, naglagot ang mga tawo kang Mayweather gumikan sa grabeng pagsaway niini sa kasamtangang pound-for-pound champion Manny Pacquiao.

Unya kagahapon lang, napriso si Mayweather sa Las Vegas tungod kasong gipasaka sa iyang kanhi hinigugma. Hinuon nakagawas ra dayon siya human mipiyansa og $3,000.

Updates on President Benigno Aquino III's presidency

Si HBO Sports President Ross Greenburg miasoy sa Los Angeles Times nga kinahanglan na gyung magbag-o si Mayweather kay nasuko na ang mga tawo kaniya.

“He’s got to get his life in order,” batbat ni Greenburg.

“This gives me pause. I’ve known Floyd for many years, and we’ve showcased him several times on [HBO’s reality series] “24/7,” with people engaged by his personality.”

Nanghinaot si Greenburg nga adunay tawo nga makabadlong kang Mayweather ug maleksyon na kini sa mga sayop nga nabuhat niini.

Si Golden Boy Promotions CEO Richard Schaefer nagkanayon nga kinahanglang moaway na gyud pagbalik si Mayweather kay daw nalunod na kini sa mga temtasyon sa gawas sa boxing ring.

“The spotlight is a glorious light at times, but it can be a hard light too,” matod ni Schaefer.

Gipasabot ni Schaefer nga kon makahukom si Mayweather nga mobalik og away, hayan makalikay kini sa negatibong mga panghitabo kay grabe man sab gyud kaayo kini moensayo.