Pagsaulog sa Araw ng Dabaw dako nga tabang sa siyudad

DILI gasto apan usa ka investment ang pagsaulog sa ika-74 nga kasaulugan sa Araw ng Dabaw.

Sigun ni James Zimmerman, miyembro sa executive committee sa Araw ng Dabaw 2011 nga ang pagpahigayon sa nagkadaiyang kalingawan sa siyudad dakong bentaha hilabi na ngadto sa mga magpapatigayon sa siyudad, gagmay man kini o dagko nga makapahimulos sa pipila ka adlaw nga aktibidad.

Ang siyudad sa Dabaw magsaulog sa tulo ka adlaw nga kasumaran sa siyudad diin nagkadaiyang kalingawan ang gi-andam.

Pipila niini ang Sayawan sa Daan, Banda Hudyaka, Parada Dabawenyo, Mutya ng Dabaw ug uban pa.

"From the usual one week celebration, for this year tatlong araw lang yung events natin. Marami ang nagsasabi na gastos lang ang ganyang celebration kesyo it can be used sa ibang bagay. Let us not think about gastos or what kasi we are doing it and it can help sa city. Let's think of the celebration as an investment," isplikar ni Zimmerman.

Dugang sa representante nga matag selebrasyon dinhi nakahatag kini og tampo nga mas mapalambo pa ang natad turismo dinhi.

Dugang ni Zimmerman nga di sama sa ubang lugar nga tag usa ka semana, bulan ang ilang kasaulugan, dinhi sa siyudad di na kaayo ni gikinahanglan hilabi na nga nakapanukad na og maayo ang lokal nga kagamhanan sa pagpa-ila sa nagkadaiyang kalihukan dinhi.

"The other cities, provinces they do their celebration in a week or month. Dito sa atin we want to give yung intact na celebration na pagpunta ng bisita natin di na sila maghihintay ng matagal, for three days they will enjoy the different activities we prepare." (Rhona Goc-ong)