'Street pageantry' masaksihan na

Friday, May 20, 2011

ISIP kabahin sa unang Davao Summerfest masaksihan sab sa mga Dabawenyo ang "Queen of May: Santacruzan sa Dabaw 2011" sa Biyernes sa mga nag-unang dalan sa downtown area.

Gihulagway nga usa ka 'street pageantry' kini pahinungod kang Birheng Maria, pinaagi sa tradisyunal nga prusisyon, pagpakita sa Santacruzan nga kabahin sa kultura sa Pinoy, apan sa hinay-hinay nawala na tungod sa nagka-advance nga panahon.

Have something to report? Tell us in text, photos or videos.

"We really make sure na it will follow the traditional procession and Santacruzan. We asked for the help ng church aron gyud masiguro nga tanang detalye niini mao gyud tong anaa sa tradisyun nato," ni Oscar Casaysay.

"Pamaagi sab kini ni Mayo Inday Sara Duterte aron mahibalik, ma-revive ang prusisyon nga nawala na gyud. Though naa man siya pero dili na kaayo, same with the Santacruzan," dugang sa opisyal.

Ang labing una nga Santacruzan sa Davao nga gipaluyuhan sa lokal nga gobyerno dinhi, inabagan sab sa nagkadaiyang sektor himuon karong adlawa, alas singko sa hapon nga manukad diha sa San Pedro Cathedral.

Ang "Queen of May: Santacruzan sa Dabaw 2011" dunay tulo ka kompetisyon, kini ang Traje delas Reinas (Gown Competition) nga may 27 ka designers nga misalmot, Arcos Iluminados (lighted Arcs Competition) nga may 27 sab ka mga partsipante ug ang Reyna Sagala (Queen of the Procession) nga may 27 ka mga sumasalmot.

Ang kompetisyon nahimong dalan alang sa mga Dabawenyo designer dinhi.
Dugang ni Casaysay nga ang prusisyon manukad sa San Pedro Cathedral, San Pedro St., motuo sa Legaspi St., dayon moliko patuo sa Palma Gil St., CM. Recto, liko patuo ngadto na balik sa San Pedro.

"For Traje delas Reinas (Gown Competition), designers will draw lots to conceive and design the gowns for the different Santacruzan characters, like Reyna Banderada, Reyna Mora, Reyna delas Islas Filipinas, Reyna del Mundo, Reyna Fe, Reyna Esperanza, Reyna Caridad, Reyna Abogada, Reyna Sentenciada, Reyna Justicia, Reyna Judith, Reyna Sheba, Reyna Esther, Reyna delas Estrellas, Rosa Mystica, Reyna Paz, Reyna delas Propetas, Reyna del Cielo, Reyna delas Virgines and Reyna delas Flores. The entries must be an interpretation of the Filipino terno," ni Casaysay.

Ang Traje delas Reinas hukman subay sa concept and design (30%), craftmanship (40%0, hang and fit (20%) visual impact (10%).

Ang top 20 gowns i-exhibit sa Muse Dabawenyo gikan Hulyo 5 ngadto Agosto 5 ning tuig isip pre-Kadayawan Exhibition.

Mga mananaug makadawat sab og ganting salapi lakip na plake. Alang sa unang pwesto, P25,000 ug plake; 2nd Place, P15,000 ug plake; 3rd Place, P10,000; ug laing lima ka consolation prizes nga P3,000 matag usa ug plake.

Alang sab sa Reyna Sagala, ang designer na mismo ang mopili kinsa ang mosuot sa ilang i-desinyo nga gown, gikinahanglan nga 14 anyos apan di sab mosobra sa 25 anyos, dili minyo, dunay good moral character.

Ang basehan sa paghukom mao ang mosunod: Character Projection - 30%, Poise, Grace and Gait - 30%, Deportment - 30%, ug Visual Impact - 10%.
Ang Reina Sagala makadawat og P10,000 ug plake, Primera Princesa dunay P7,000 ug plake, Segunda Princesa makadawat og P5,000 ug plake, ug 17 ka consolation prize nga P1,500 matag usa ug sertipiko.

Alang sa Arcos Iluminados, ang entrada sa arko angay nga magsunod sa gipatuman nga porma ug gitas-on nga mipatuman subay sa kompetisyon. Ang pagpili sa nindot nga arko i-base sa concept and design (30%), craftmanship (30%), functionality/durability (30%) ug visual impact (10%).

Modaug sa arcos iluminados mobitbit og: P25,000 ug plake para sa 1st place, P15,000 ug plake sa 2nd place, P10,000 ug plake sa 3rd place ug lima ka Consolation Prize nga P3,000 matag usa ug plake.

Giawhag ni Casaysay ang tanang Dabawenyo nga makigduyog sa aktibidad tungod usa na sab kini ka nindot nga programa sa siyudad nga maka-agni og dugang ihap sa langyaw ug lokal nga turista, maila sab ang Davao City diin asa subling gihatagan og kinabuhi ang tradisyunal nga prusisyon ug Santacruzan nga kabahin sa atong kultura. (Rhona O. Goc-ong)