'Mountaineers' di paagion sa Digos: CIPO

ANG City Investment and Promotion Office (CIPO) sa siyudad sa Digos nag-awhag sa katawhan nga di una mosaka sa Mt. Apo sanglit hugaw pa ang palibot sa bulkan hinimuan sa mga tawo nga misaka niadtong Semana Santa.

Si Edgardo Elera, opisyal sa CIPO, nagbutyag sa Sun. Star Superbalita nga ilang himuon karon ang clean-up operation sa Mt. Apo mao nga di nila tugotan nga mga tawo nga moagi sa siyudad paingon sa Mt. Apo.

Pagluwat ni Guitierrez: Mga abogado sa DavSur nalipay

NALIPAY ang mga abogado sa kalit nga pagluwat sa pwesto ni Ombudsman Merceditas Gutierrez niadtong Byernes.

Usa si Digos City Mayor Lawyer Joseph Pe¤as sa mga nalipay sa gihimo sa Ombudsman tungod kay alang niya mas mapadali ang imbistigasyon.

Lalaki nalitson

USA ka lalaki nakutluan sa iyang kinabuhi human makahiagum og grabeng paso sa lawas human gilamoy sa kalayo ang ilang panimalay didto sa Purok 7, Barangay Poblacion, lungsod sa Compostela, Compostela Valley province, Huwebes sa gabii.

Nailhan ang biktima nga si Juvy Pogador, 37, molupyo sa dapit.

Lider sa 'tribal council' gipatay

USA ka babayeng opisyal sa usa ka tribal council gipusil patay sa wa mailhing suspek sulod mismo sa iyang tindahan didto sa Purok 2-B, Barangay Poblacion, lungsod sa Monkayo, Compostela Valley province, Miyerkules sa gabii.

Nailhan ang biktima nga si Florita Caya, 58, kasamtangang management officer sa United Tribal Council of Elders and Leaders sa lungsod sa Monkayo, molupyo sa Barangay Inambatan, susamang lungsod.

10 pulis gidemanda sa mga mananagat

PORMAL nang gipasaka sa mga mananagat ang kaso batok sa 10 ka mga pulis nga sakop sa Sarangani Public Safety Battalion nga nakabase sa Alabel, Sarangani province.

Gikumpirma ni Joji Nowenay nga nahuman na ang imbestigasyon nga gihimo ni Police Superintendent Henry Dazo, deputy provincial director sa Sarangani PNP labot sa kaso.

Pulis gireklamo

GIPAMATUD-AN karon sa usa ka barangay kagawad sa Tupi, South Cotabato nga si Police Officer 2 Rustan Suico, miyembro sa Public Safety Battalion sa Philippine National Police (PNP) ang nakig-transaksyon sa pagpalit og tuko o gecko, usa ka endangered nga klase sa butiki.

'ID system' ipatuman sa Barangay 32-D

ANG council sa Barangay 32-D Poblacion ning siyudad naningkamot nga makahatag pa og mga makaayo ug nindot nga proyekto ug programa alang sa mga molupyo sa barangay.

Kalabot niini gibutyag ni Barangay Kapitan Orlando Bantayan sa pakighinabi kaniya nga usa sa gipaningkamutan sa barangay nga mapatuman ang ID system nga dakong tabang hilabi na sa pag-monitor sa mga tawo nga nanimuyo sa dapit.

Turismo sa rehiyon gipromotar sa DOT

NANUKAD pag-ayo ang Department of Tourism (DOT) regional office sa pag-promotar sa nagkadaiyang potensiyal sa rehiyon sa natad sa turismo.

Atol sa usa ka media forum sa nakalabayng Miyerkules diha sa Marco Polo Hotel ning siyudad, gibutyag ni Art Boncato, regional director sa DOT Davao Region nga ang iyang buhatan naningkamot nga ma-develop pa ang ubang lugar dinhi, sukwahi sa pagtuo sa kadaghanan nga mas nakatutok lamang sila sa isla sa Samal.

General Pedro Tango miretiro na sa pwesto

ANG direktor sa kapulisan sa Davao Region mitiro na sa iyang katungdanan kagahapon atol sa gihimong Change of Command and Retirement Ceremony ni Police Chief Superintendent Attorney Pedro Tango didto sa grandstand sa Police Regional Office (PRO) 11.

Si Tango pormal nga miluwat sa iyang buhatan kagahapon atol sa iyang adlaw nga natawhan ug gitunol ang katungdanan ngadto kang Police Chief Superintendent Jaime Morente.

2 gitigbas naospital

DUHA ka mga lalaki ang mitugpa sa tambalanan human sila gipangtigbas sa care taker sa Nehel Eatery nga ilang giimnan didto sa dalang Bajada, siyudad sa Davao niadtong Huwebes.

Ang insidente nahitabo sa alas 11:20 sa gabii nga miresulta sa pagkasamad nila Alfredo Librado, 24, nagpuyo sa Vista Verde, Buhangin ug Romeo Cruz, 30, carwash boy, nagpuyo sa Suwawan, Marilog District, ning siyudad.

50 anyos gisikop

GIDAKOP sa kapulisan ang 50 anyos nga lalaking minyo human niguwa ang orden de aresto batok kaniya didto sa lungsod sa Matanao, Davao del Sur.

Ang hepe sa Matanao Police nga si Senior Inspector Charlie Merca, nag-ila sa dinakpan nga si Isabelo Gabaldon, molupyo sa Barangay New Murcia, Matanao.

Konduktor gipatay

USA ka konduktor sa pasaheroang dyip ang namatay human siya gipusil sa wa mailhing lalaki samtang naglakaw atubangan sa Network Bank, Barangay Mintal, Tugbok District, siyudad sa Davao niadtong Miyerkules.

Si Police Officer 2 Antonio Pino sa Tugbok Police Station nag-ila sa biktima nga mao si Ranulfo Rodriguez, alyas Ranie, hamtong ang pangidaron, nagpuyo sa Sitio Basak, Barangay Mintal, ning siyudad.

Lalaki gitipi sa Akyat Bahay Gang

USA ka lalaki ang gipatay sa mga sakop sa Akyat Bahay Gang nga miatake sa balay sa biktima alas 2:35 sa kaadlawon kagahapon didto sa Barangay Baliok, siyudad Davao.

Namatay mao si Miguel Gangis Jr., hamtong ang pangidaron, nagpuyo sa Lot 22, Block 60, Rosalina Subdivision, Barangay Baliok, ning siyudad.

Retrieval operation padayon sa Comval

NAGPADAYON ang gihimo nga retrieval operation sa mga rescuer didto sa landslide area sa Sityo Panganason, Barangay Kingking, lungsod sa Pantukan, Compostela Valley province, bisan og gimando sa lokal nga kagamhanan sa maong lungsod ang temporaryong paghunong sa pagkalot tungod sa kadelikado sa lugar.

Sumala pa ni Col. Lyndon Paniza, spokesperson sa 10th Infantry Division sa Philippine Army, nga dunay 14 ka mga rescuer ang ilang gitugotan nga mohimo og operasyon bisan pa sa nasinati nilang kalisud sa landslide area.

Mga gamit paggama og eksplosibo narekober sa Cotabato

PADAYON nga gisusi karon sa mga otoridad kon kinsa ang suspek nga nagdala og mga kagamitan sa paggama og bomba nga narekober sa usa ka lodging house alas 6:40 sa gabii niadtong Miyerkules didto sa siyudad sa Cotabato.

5 tawo samaran sa pagpamusil

SAMARAN ang lima ka mga tawo human gipamusil alas 10:00 sa gabii niadtong Miyerkules didto sa probinsiya sa Cotabato.

Kato hingpit nang mipahawa sa MILF

GIKOMPIRMA ni Moro Islamic Liberation Front Civil Military Affairs chief Eid Kabalu nga wala na nila mapugngan si Kumander Ameril Ombra Kato sa pagpahawa sa ilang hut-ong ug nagmugna og laing grupo.

Bag-ong merkado sa Digos abri na

GISUBHAN sa lokal nga kagamhanan sa dakbayan sa Digos ang bag-ong nahuman nga Don Pedro Estrada Public Market didto sa dalang Estrada niadtong Miyerkules sa hapon.

Babaye nga dunay kaso sikpaw

GISIKPAW sa kapulisan ang usa ka babayeng nag-tubang og kasong qualified theft human mipagawas ang hukmanan og warrant of arrest batok kaniya.

DSWD padayon nagtunol og ayuda sa katawhan

NAGPADAYON ang paningkamot sa Department of Social Welfare and Development (DSWD) kalabot pagpa-abot og ayuda sa mga nanginahanglan dinhi sa siyudad.

1st Davao Summerfest sugod na

PORMAL nga buksan karong adlawa ang 1st Davao Summerfest isip dugang atraksiyon sa siyudad, maka-agni og daghang bisita panahon sa summer.

PEF naalarma sa daghan nga agilang nadakpan

GIKA-ALARMA karon sa Philippine Eagle Foundation (PEF) ang nagkadaghang ihap sa mga agila nga nadakpan sa nakalabay nga lima ka bulan.

Operasyon sa quarry sa Digos subling gibuksan

GIMANDO sa Regional Trial Court Branch 20 nga subling giabrihan ang operasyon sa Shem Demonteverde Sand and Gravel sa Barangay Kiagot, siyudad sa Digos.

Gilutos sa pulis

GIPANGITA na sa kapulisan ang mga tawo nga mitigbas ug mipusil sa usa ka Indian national alas 11:00 sa buntag niadtong Martes didto sa Interior, Mini-forest, Barangay 23-C Poblacion, siyudad sa Davao.

Ang kapulisan nangita kang alyas Aladin uban ang usa ka wa mailhing lalaki kinsa pulos nagpuyo sa Mini-forest, Barangay 23-C Poblacion.

2 tulisan gidemanda na

GIDEMANDA na sa kapulisan ang duha ka mga tulisan nga mitulis sa usa ka taxi drayber didto sa Catalunan Pequeño Highway, siyudad sa Davao niadtong Dominggo.

Nag-atubang og kasong robbery with frustrated homicide mao sila Evonn Gaga-a Caminade, 20, nagpuyo sa Hilltop, Bajada; ug Michael John Pascua Pepito, 20, lumad nga taga Davao del Sur.

Demolisyon ipadayon sa Pantukan

SUBLI na sab nga misubida ang 22-man demolition team gikan sa Municipal Engineering ngadto sa area sa Pantukan, Compostela Valley, asa nahitabo ang landslide niadtong Biyernes Santo.

Sa mensahe nga gipaabot ni Col. Leopoldo Galon Jr., tigpamaba sa Eastmincom nga mibiya ang demolition team alas 8:00 sa buntag kagahapon aron sugdan ang evacuation ug demolition sa mga istruktura nga nagbarog pa sa gikonsiderang 'high-risk areas' didto sa Pantukan.

MGB tinguhang buhion 'minahang bayan'

HUMAN sa trahedya nga nahitabo sa Barangay Kingking, Pantukan, Compostela Valley Province sa nakalabayng semana, ang Mines and Geosciences Bureau naglantaw karon nga subling buhion ang "minahang bayan" nga konsepto aron malikayan na ang dautang epekto sa small scale mining.

3 namaligya og peke nga bulawan nasignit

KASONG pagpangilad ang giatubang sa tulo ka mga suspek nga nalambigit sa pagbaligya og mga peke nga bulawan alas 4:00 sa hapon niadtong Martes didto sa probinsiya sa Bukidnon.

Mga suspek nadakpan sa hiniusang puwersa sa Regional Special Operations Group (RSOG-10) pangulohan ni Police Supt. Rey Reyes ug Malaybalay City Police Office sa Bukidnon.

Lalaki natabunan sa midahili nga yuta

WALA na igkita ang usa ka tawo sa nahitabong landslide sa alas 3:40 sa hapon niadtong Martes didto sa probinsiya sa South Cotabato.

Nailhan sa kapulisan ang biktima nga si Francisco Atang, 40, minyo ug molupyo sa Barangay Han-noon, Lake Sebu.

Mga molupyo sa Sityo Panganason mihawa na

MGA molupyo nga naa sa Sityo Panganason, Barangay Kingking, lungsod sa Pantukan, Comval Province hingpit nang napahawa tungod sa kapeligro sa ilang kahimtang human mahitabo ang pagdahili sa yuta sa maong dapit.

Kini maoy gisulti ni Bong Lantaya, spokesperson sa Municipal Disaster Risk Reduction Management Council MDRRMC sa lungsod sa Pantukan.