P2 milyones marijuana gisunog

Sunday, September 18, 2011

SARANGGANI -- Mobata sa P2 milyones pesos ang kantidad sa marijuana ang gisunog sa hiniusang puwersa sa lokal nga kagamhanan, militar, kapulisan ug Philippine Drug Enforcement Agency (PDEA) Region 12.

Mga marijuana gisunog alas 2:00 sa hapon niadtong Biyernes didto sa Barangay Malabod, Malungon, Sarangani.

Have something to report? Tell us in text, photos or videos.

Si PDEA 12 director Aileen T. Lovitos nagbutyag nga 450 ka mga labong nga punuan ug 3,500 nga gagmay nga punuan sa marijuana ang ilang gisunog.

Matud ni Lovitos nga ang pagsunog sa marijuana maoy labing dakong uprooting operations nga ilang gilusad lungsod sa Malungon sukad niadtong 2003.

Dugang ni Lovitos nga nakasibat ang mga armadong bandido nga maoy nagtanum sa mga marijuana dihang nasiplatan sila nga nagsingabot sa ilang marijuana plantation.

Ang siyudad sa Cotabato maoy target karon sa PDEA sanglit sa maong siyudad gikan ang shabu nga gipamaligya sa siyudad sa Kidapawan, Tacurong, Koronadal ug General Santos.