Gilubong buhi

Wednesday, October 5, 2011

MAGPET, North Cotabato -- Usa ka 10 anyos nga babaye ang gilugos ug gilubong-buhi sa iyang uyuan sa alas 8:00 sa buntag niadtong Martes.

Ang suspek giila nga si Dennis (bansagon gitago kay gidili sa balaod), 21, ulitawo ug molupyo sa Barangay Kauswagon, Magpet.

Have something to report? Tell us in text, photos or videos.

Base sa taho gikan sa Cotabato Police Provincial Office (CPPO), nasayran nga gisugo sa amahan ang bata nga adtuon ang iyang uyuan aron motabang sa pagpanday sa ilang bay.

Apan sa diha nga niabot na ang biktima sa uma, kalit lang nga gisiknit ni Quilaton ang iyang pag-umangkon ug gilugos.

Sa diha nga natagbaw na ang suspek sa iyang yawan-on nga binuhatan, nagkalot siya og bangag unya gilubong nga buhi ang bata.

Suwerte na lang kay mabaw lang ang gilubngan sa biktima hinungdan nga bisan duna siyay samad ug bun-og sa lawas, naningkamot siyang makagawas sa bangag ug nangayo'g pakitabang sa mga sibilyan.

Matud ni Magpet Mayor Efren Piñol nga nagkadugo pa ang bata nga nakit-an sa mga tawo duol sa dapit nga siya gilugos sa iyang uyuan.

Hinuon, daling gisignit ang suspek sa mga barangay opisyal uban ang kapulisan.

Gisang-at na ngadto sa korte ang kasong paglugos ug frustrated murder batok sa suspek.