Gimasaker

Thursday, October 13, 2011

USA ang patay samtang tulo ang naangol human sila gimasaker sa mga armadong lalaki samtang natulog alas 10:00 sa gabii niadtong Miyerkules.

Namatay mao si Jairin Mamaluba, 2, samtang naangol mao ang iyang magulang nga si Bainot, 9, ug ilang mga ginikanan nga sila Nasruddin ug Faiza, molupyo sa Barangay Sinimsiman, Pigcawayan.

Have something to report? Tell us in text, photos or videos.

Sa report nga nakuha gikan sa Cotabato Police Provincial Office (CPPO), nasayran nga mga biktima nangatulog na sulod sa ilang bay sa dihang gisulod sa wala mailhing mga suspek ug gipangbunalan gamit ang puthaw.

Wala pa matagbaw ang mga suspek, nagpabuto pa og M16 armalite rifle sa balay sa mga biktima una misibat padung sa wala matino nga dapit.

Si Jairin namatay human makaangkon og grabeng bun-og sa ulo samtang ang iyang maguwang ug ginikanan grabe ang kahimtang human makaangkon og daghang bun-og ug samad sa nagkadaiyang parte sa ilang lawas.

Mga samaron gidali sa pagdala sa Cotabato Regional and Medical Center (CRMC) nga pulos kritikal ang kahimtang.

Gimandoan na ni Pigcawayan Mayor Roberto Blase ang kapulisan nga mohimo og lawom nga imbestigasyon sa maong hitabo aron nga matumbok ang mga suspek ug madakpan.