Konduktor gipatay sa pasahero
Sunday, October 16, 2011
ESPERANZA, Sultan Kudarat -- Gipusil patay sa wa mailhing lalaki ang usa ka konduktor sa dyip human alas 7:00 sa gabii niadtong Sabado didto sa probinsiya sa Sultan Kudarat.
Nailhan sa kapulisan ang biktima nga mao si Efren Tumbalon, 43, minyo ug molupyo sa Barangay Calawag Dos, Isulan.
Have something to report? Tell us in text, photos or videos.
Base sa report Sultan Kudarat Police Provincial Office (SKPPO), nahitabo ang pagpamusil samtang nagtindog ang biktima duol sa merkado publiko sa Barangay Poblacion, Esperanza.
Nasayran nga naghulat og pasahero ang iyang gikonduktoran nga dyip apan giduol siya sa mamumuno dayon gipusil gamit ang kalit .45 nga pistola.
Namatay dayon ang biktimang si Tumbalon human naigo iyang ulo ug dughan, samtang ang suspetsado ang daling misibat sakay sa naghuwat nga motorsiklo paingon sa probinsiya sa Maguindanao.
Walay nakaila sa mamumuno gumikan kay nagsul-ob og jacket ug helmet mao nga di maklaro ang iyang hitsura.
Matud ni Narciso Agis, drayber sa dyip ug paryente sa biktima, nga sa wa pa gipatay ang iyang konduktor, dunay naka-away nga mga pasahero sanglit kulang ang ilang pamilete gikan sa Tacurong City paingon sa Esperanza.
Sa kasamtangan, padayon pa ang imbestigasyon sa kapulisan aron masayran ang motibo, mailhan ug masikop ang mga mamumuno.
Gipatik sa mantalaang SuperBalita Davao Oktubre 17, 2011.
Balita
- 4 anyos naligsan patay
- Opinyon sa katawhan nabahin pagsumite'g waiver ni Corona
- Gambalay gilamoy sa dakong sunog
- Tag-iya og internet cafe gihapsa'g samurai
- Palengke nasunog
- 1 Koryano, 2 Pinoy nasikop sa NBI
- Namista gitabangan og pagluthang sa 2
- PO1 Olvida namista lang - Macion
- Suplay sa kuryente sa DavNor dugangan sa EEI
- Sindikato napuhag




