4 patay, 9 angol

Thursday, November 24, 2011

MIDSAYAP, North Cotabato - Upat ang patay samtang siyam ang naangol sa granada nga mibusikad sa alas 7:30 sa gabii niadtong Miyerkules.

Namatay mao sila Hilario Villaflor, 60; Eric John Quirol, 12: John Loyd Anza, 8; ug Isidro Awa, 42; samdan sab sila Roda Mae Madrigal, 19, Isidro Awa Jr., 14; Fransbet Quirol Anza, 8; Dina Madrigal Garcia, 57; Sofia Quirol Anza, 5; Marvin Mondia, 22; Haydee Paracuelles, 12; Lowie Baran, 23; ug Wrget Baran, 3; mga molupyo sa Barangay Nalin 1, Midsayap.

Have something to report? Tell us in text, photos or videos.

Gibutyag ni Midsayap Police Station commander Superintendent Franklin Anito nga nahitabo ang insidente samtang nagdula ang mga biktima sulod sa bay ni Dina Madrigal.

Nasayang nga kalit lang mibutho ang duha ka wala mailhing tawo og giitsahan silag granada.

Dali sab nga misibat ang mga suspetsado sakay sa usa ka kolor pula nga Baja Kawasaki nga motorsiklo paingon sa wala matino nga direksyon.

Mga samaron daling gisapupo sa ilang mga silingan paingon sa Amado Diaz Foundation Hospital ug Midsayap Community Hospital.

Mga grabe nga samaron gibalhin sa Cotabato Regional and Medical Center (CRMC) sa siyudad sa Cotabato.

Patay on the spot si Villaflor samtang dead on arrival ang iyang duha ka mga paryente sa Midsayap Community Hospital.

Nagtuo ang kapulisan nga love triangle ang motibo sa maong hitabo. (Edgardo Fuerzas)