Engineer gipatay sa amahan

Wednesday, January 18, 2012

TACURONG CITY -- Usa ka agriculture engineer ang namatay human gipusil sa amahan alas 3:15 sa hapon niadtong Lunes.

Giila ang biktima nga si Cesar Acosto, 51, minyo, ug molupyo sa Dona Aurora Street, Barangay Poblacion, Tacurong City.

Have something to report? Tell us in text, photos or videos.

Base sa police blotter sa Sultan Kudarat Police Provincial Office (SKPPO), nasayran nga nagkalalis ang biktima ug ang iyang amahan nga si Isaac Acosto, 83, biyudo gumikan sa problema sa ilang pamilya.

Gumikan sa mga hait nga pulong nga giluwatan sa anak, wala na maka-agwanta ang amahan hinungdan nga misulod sa kuwarto ug sa iyang paggawas dala na niya ang gitipigan nga 22 caliber rifle ug gipusil ang biktima.

Daling gitabang si Cesar sa iyang pamilya ug mga silingan ug gidala sa Sandig Medical Hospital.

Apan wala madugay, gideklara siya sa doktor nga dead on arrival.

Nakaangkon og samad pinusilan ang biktima sa iyang dughan nga maoy hinungdan sa iyang kamatayon.

Boluntaryo sab nga mitahan sa kaugalingon ang suspek ngadto sa kapulisan ug isang-at na ang kasong pagpatay batok kaniya.