2 pusher gikan Cotabato nasikpaw

Friday, February 3, 2012

DUHA ka mga drug pusher ang nag-atubang og kasong paglapas sa Republic Act 9165, kun Comprehensive Dangerous Drugs Act of 2002, human nasikop niadtong Huwebes.

Gidemanda mao sila Marshadam Amba, alyas Jepoy, 19, minyo, nagpuyo sa Bagua, Mabini, Cotabato City, ug iyang kakunsabo nga menor de edad nga si alyas Yap, 17, nagpuyo sa Manday, Cotabato City.

Have something to report? Tell us in text, photos or videos.

Sila Amba ug Yap nasikop pinaagi sa buy-bust operation alas 2:30 sa hapon didto sa #7 Leo Street, GSIS Heights, Barangay Matina Crossing, siyudad sa Davao.

Gisikop sila human gitunol ang usa ka pakiteng shabu nga nagkantidad og P1,000.

Nakuha gikan nila ang upat ka pakiteng shabu ug marked money nga gigamit sa mga sakop sa Philippine Drug Enforcement Agency-Davao.

Mga ebidensiya nga nakompiska sa otoridad gidala na sa Philippine National Police Crime Laboratory samtang ang menor de edad gitunol sa City Social Services and Development Office. (Alger P. Dura)