Hangyo sa mayor wa hisguti sa konseho

Friday, February 3, 2012

BISAN sa hinanaling rekomendasyon ni Davao City Mayor Sara Z. Duterte ngadto sa Sangguniang Panlungsod nga ideklara nga “persona non grata” ang mga langyaw nga naglabay sa parte sa pawikan didto sa Sta. Ana Wharf, apan wa malakip ang hangyo sa mayor sa agenda sa sesyon sunod sa semana sa konseho.

Si Charito Santos, assistant secretary sa Sangguniang Panlungsod, nagbutyag sa Sun.Star Davao nga wa siya makadawat og impormasyon nga ang konseho naglaraw nga maglusad og special session aron hisgutan ang rekomendasyon sa mayor.

Have something to report? Tell us in text, photos or videos.

Si Duterte nagbutyag nga iyang gihangyo ang konseho nga ideklara nga “persona non grata” ang mga langyaw sanglit daw nakamenus sila mga Dabawenyo.

Ang pahayag sa mayor miguwa human nasayud nga gipanglabay ang mga parte sa pawikan nga giihaw sa mga langyaw nga sakay sa barkong MV Hannah II nga midunggo sa Sta. Ana Wharf niadtong miaging semana. (Jereco O. Paloma)