Wa masulbad nga krimen atimanon ni dela Rosa

Friday, February 3, 2012

GIMANDOAN ni Davao City Police Office Director Ronald dela Rosa ang iyang mga sakop nga atimanon ang wa pa masulbad nga krimen sa siyudad.

Sa unang command conference, gibutyag ni dela Rosa nga ilang himuon kini isip tubag sa mando ni Mayor Sara Duterte nga palawman ang imbestigasyon sa wa pa masulbad nga mga krimen.

Have something to report? Tell us in text, photos or videos.

Si dela Rosa nagkanayon nga buot niyang masulbad nga kaso mao ang giputol-putol nga lawas sa babaye kinsa gilabay sa dumpsite sa Barangay New Carmen, distrito sa Tugbok, niadtong Disyembre 18, 2011.

Dugang ni dela Rosa nga buot sab niyang masulbad ang kamatayon sa American national nga si Basil Joseph Griffin kinsa gipatay sud sa iyang balay sa Woodridge Park niadtong Enero 3, 2012.

Ang opisyal mipasalig nga mahimo nila kini pinaagi sab sa tabang sa mga nakasaksi sa krimen. (Ivy C. Tejano)