Lalaki giihaw sa silingan

Thursday, February 9, 2012

PATAY nang midangat sa Southern Philippines Medical Center (SPMC) ang usa ka lalaki human siya gipusil sa iyang silingan ala 1:40 sa hapon niadtong niadtong Martes.

Ang biktima mao si Agapito Enad, alyas Nonoy, 39, minyo, nagpuyo sa Sta. Cruz, Barangay Leon Garcia, distrito sa Agdao, siyudad sa Davao.

Have something to report? Tell us in text, photos or videos.

Si Enad nakaangkon og samad sa iyang tuong dughan ug likod dihang gipusil sa iyang silingan nga si Romulo Petallar, hamtong pangidaron.

Base sa spot report sa Sta. Ana Police Station, ang biktima gipusil sa suspek samtang nag-atiman sa iyang mga manok pangsabong.

Giingon nga kalit miabot ang suspek sa nahimutangan sa biktima ug wa maglangan gipusil ang biktima sa makadaghan nga higayon gamit ang wa matino nga kalibre sa armas.

Daling misibat ang suspek samtang ang biktima daling gidala sa SPMC.

Nasayran sa SuperBalita nga nagkabikil ang biktima ug suspek tungod sa ilang trabaho, apan padayon pang gisusi sa kapulisan ang motibo sa suspek.

Sa pagkalap ning balita, padayong gipangita sa mga sakop sa Homicide and Arson Section sa kapulisan sa Sta. Ana ang suspek.