Pinay gihangyo di mangilkil sa mga langyaw

Thursday, February 9, 2012

ANG Bureau of Immigration (BI) Davao City nagpahimangno sa mga Filipina nga dunay mga langyaw nga bana nga likayan ang pagpangilkil sa ilang mga langyaw nga kapikas sa kinabuhi.

"Do not use our office as a vehicle to harass foreigners," suma ni BI Davao acting alien officer Florentino G. Diputado ngadto sa mga Filipina nga nagreklamong gipasakitan sa ilang mga bana.

Have something to report? Tell us in text, photos or videos.

Si Diputado nagbutyag sa Sun.Star Davao kagahapon nga dunay daghang higayon nga mipasaka og reklamo sa ilang buhatan.

Siya nagbutyag nga di tanang reklamo tinuod base sa ilang gihimong makuting imbestigasyon.

Si Deputado nagbutyag nga ilang ipatawag dayon ang mga langyaw aron makapanalipod sa ilang kaugalingon.

Nasuta sa ilang imbestigasyon nga kasagaran sa nagreklamo nangilkil lamang sa mga langyaw.

Ang opisyal nagkanayon nga gipahimuslan sa mga Filipina ang pagpasaka og kaso sa ilang mga partner aron makasapi mao nga di kaayo nila atimanon ang personal nga suliran sa magtiayon. (Arinne Caryl N. Casas)