Menor aksidenteng naigo sa pusil

Sunday, February 12, 2012

PADAYON pang giobserbahan ang kahimtang sa usa ka menor de edad nga aksidenteng napusilan didto sa Sitio Pungot, Barangay Biao Escuela, Tugbok District, syudad sa Davao.

Base sa imbestigasyon sa Tugbok Police Station, nahitabo aksidente alas 11:20 sa gabii niadtong Sabado.

Have something to report? Tell us in text, photos or videos.

Ang biktima giila nga si alyas Jun-jun, 16, trabahante sa dakong poultry ug nagpuyo sa Purok 21, Carmen, Davao del Norte.

Nasayran nga sa wa pa mahitabo ang aksidente, gipukaw ang biktima sa iyang kauban nga hubog nga si Jessie Regalado, hamtong ang pangedaron, ulitawo, nagpuyo sa Barangay Mintal.

Ang biktima gihagad ni Regalado nga mag-inom niadtong higayona, apan samtang nag-inom na sila, kalit mibuto ang ang armas nga gikuha sa suspek sa iyang hawak.

Maayong pagkaigo sa liog sa biktima dihang nahulog ang armas sa yuta mao nga gidala siya sa Southern Philippines Medical Center.

Ang suspek daling misibat sa crime scene, samtang ang biktima daling gitabang nila Richard Natividad ug Kapitan Ma. Theresa Yhuan.

Nakuha sa crime scene ang usa Smith and Wesson Magnum .357 nga rebolber nga gipanag-iyahan sa suspek.

Gipangita na sa kapulisan karon si Regalado aron silotan sa iyang sala nga nahimo. (Blue Cordero)