69 paresan gikasal sa Valentine's Day

Tuesday, February 14, 2012

TAGUM CITY - Miabot ngadto sa 69 ka mga paresan ang gikasal atol sa Valentine's Day nga dunay tema nga "Kasalan sa Tagum 2012" kagahapon.

Ang kasal gidumala sa Local Civil Registrar alas 9 sa buntag didto sa Tagum Cultural and Trade Center.

Have something to report? Tell us in text, photos or videos.

Si Mayor Rey Uy sa siyudad sa Tagum mao mismoy nagpahigayon sa pagkasal sa mga paresan.

Nasayran nga kasagaran sa mga gikasal nag-ipon na sulod sa pipila ka tuig ug duna nay mga anak. Kay buot nga mahimong legal ang ilang pag-ipon, nagpakasal sila.

Gisulti ni Flordeliza Zulueta, Local Civil Registrar Officer sa Tagum City nga dako kaayo'g tabang ang programa ni Mayor Uy sanglit mga ginikanan sa halos katunga sa mga bata nga narehistro sa dakbayan di pa kasado.

Subay sa naandan, si Mayor Uy nagtambag sa mga gikasal nga dili magpalabi sa pagpadaghan sa ilang anak aron dili maglisud sa pagbuhi kanila ug magmalipayon ang pamilya. (Teddy Cabana)