41 nakalapas sa trapiko gisikop
-A A +AWednesday, February 15, 2012
TAGUM CITY – Kuwarenta’y uno ka mga motorista nga nakalapas sa balaod trapiko sa siyudad ang nasikop sa kapulisan sa gimuntar nga checkpoint alas 4 sa hapon niadtong Martes.
Si Police Inspector Leah Cassandra Pama, kinsa nangulo sa usa ka team sa mga pulis gikan sa Davao del Norte Public Safety Company ug lain sab nga duha ka team gikan sa Tagum City Traffic Management Unit, nagmuntar og checkpoint didto sa circumferential road sa Barangay La Filipina.
Ang pagmuntar sa checkpoint subay sab sa mando ni Police Superintendent Juel Niel Salcedo, hepe sa Tagum City Police Station.
Ang mga nadakpan nakalapas sa Republic Act 4136 ug sa No Helmet Ordinance sa siyudad.
Nahuman ang pagpanakop sa mga pulis alas 6 na sa gabii sa maong adlaw.
Nasayran usab nga gawas sa pagpanakop sa naglapas sa balaod trapiko, ang checkpoint nagtumong sab sa kampanya batok sa mga kriminal nga nagsakay og motorsiklo. (Teddy Cabana)
Gipatik sa mantalaang SuperBalita Davao Pebrero 16, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
