Mga armas ug eksplosibo sa NPA nakawot sa militar

DAVAO ORIENTAL -- Lima ka mga tag-as nga kalibre sa armas ug duha ka improvised explosive devices nga gilubong sa New People's Army (NPA) ang nakalotan sa militar niadtong Marso 19, 2012 sa Purok Catumbal, Barangay Maragatas, Lupon.

Usa ka alyas Badong, tinuod pangalan gitago alang sa iyang seguridad, kinsa maoy mitug-an sa nahimutangan sa armas, boluntaryong miampo kang Lupon Mayor Domingo Lim pinaagi sa mga sundalo ug Lupon Municipal Police Station.

Si Badong, gikuyogan sa iyang asawa, miangkon nga nangayo siya og tabang sa Peace and Development Team (PDT) ilawom ni First Lieutenant Geoffrey Galanida, commander of Charlie Company sa 28th Infantry Battalion.

Iyang gitug-an ang nahimutangan sa armas nga gilubong duol sa iyang balay.

Ang insidente gidokumento sa Lupon Municipal Police Station, dayon gidala ang kanhi rebelde gipahiling sa Municipal Health Center.

Gihatagan sab dayon sa militar og pagkaon ug uban pang panginahanglan ang magtiayon.

Nakuha sa militar ang usa ka AR18 Rifle, tulo ka Garand rifles, usa ka caliber .45 pistol, usa ka homemade shotgun, duha ka IED, mga bala ug mga gamit sa paghimo og bomba.

Gibutyag ni Badong nga si Dungkor (mitahan kang Mayor Sara Duterte duha ka semana ang nakalabay) maoy nagmando kaniya nga ilubong ang mga armas niadtong Nobyembre 2011.

Suma niya nga mitambong siya sa pulong-pulong sa militar ug ilang nadunggan nga si alyas Toper ug alyas Dungkor mitahan na sa gobyerno mao nga nakahukom sab siya nga motahan sa kaugalingon.