Opisyal sa MILF namatay
-A A +ASaturday, May 5, 2012
COTABATO CITY - Gikompirma ni Moro Islamic Liberation Front (MILF) Vice Chairman for Political Affairs Gadzaali Jaafar nga patay na si MILF Vice Chairman for Military Affairs Aleem Aziz Mimbantas alas 10:25 sa gabii niadtong Huwebes didto sa probinsiya sa Maguindanao.
Suma ni Jaafar nga namatay si Mimbantas gumikan sa cardiac arrest.
Gituohan nga ang sobrang kakapoy samtang nakigkita sa mga opisyal sa Japan International Cooperation Agency maoy hinungdan kon nganong giatake sa kasingkasing ang maong opisyal.
Gilubong sab dayon si Mimbantas basi sa tinuhoang Islam tapad sa gilubngan ni kanhi MILF Chairman Hashim Salamat didto sa Lanao del Sur.
Hangtud karon wala pay desisyon ang Central Committee sa MILF kon kinsa ang mohulip sa puwesto ni Mimbantas.
Apan dunay mikatag nga balita nga posibling mohulip kaniya si MILF Civil Military Affairs Chief Von Alhaq.
Nagtuo sab si Government of the Philippines Panel Chairman Atty. Marvic Leonen nga dili maka-apekto sa panghinabing pangkalinaw sa Mindanao ang pagpanaw ni Mimbantas. (Edgardo Fuerzas)
Gipatik sa mantalaang SuperBalita Davao Mayo 06, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
