Drug pusher gibaharan di mosukol sa mga pulis
-A A +AWednesday, June 6, 2012
GIBAHARAN sa kapulisan ang mga drug pusher nga di mosukol kanila panahon nga itunol ang ilang warrant of arrest aron di sila mamatay dinhi sa siyudad sa Davao.
Ang bahad miguwa human namatay ang usa ka drug pusher kinsa misukol sa mga sakop sa Toril Police Station niadtong Martes.
Ang insidente nahitabo alas 2:00 sa hapon didto sa Purok 5, Sampaguita Street, Barangay Crossing Bayabas, Toril District, ning siyudad.
Namatay mao si Charlie Mejares, alyas Dodong Mejares, 39, nagpuyo sa maong lugar.
Si Mejares sikupon unta sa mga pulis nga gipangulohan ni Police Senior Inspector Dionisio Escobañez bitbit ang warrant of arrest nga gipaguwa ni Judge Isaac Robillo Jr. sa Regional Trial Court (RTC) Branch 33.
Nasayran nga misukol ang suspek pinaagi sa paggunit og granada mao nga gipusil siya sa mga pulis.
Nakuha gikan sa crime scene ang usa ka MK2 fragmentation grenade, duha ka pakiteng shabu, tinanum nga marijuana, salapi nga nagkantidad og P3,980 ug cell phone.
Mga pulis gipahimangnoan sab nga di mokompiyansa sa kaugalingon panahon nga duna silay rondahon. (Alger P. Dura)
Gipatik sa mantalaang SuperBalita Davao Hunyo 07, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
