Hataman uyon pulbuson armadong grupo sa Armm
-A A +ASunday, June 17, 2012
COTABATO CITY -- Dakong uyon si Autonomous Region in Muslim Mindanao (Armm) OIC Governor Mujiv Hataman sa pagpulbos sa mga Private Armed Groups.
Miuyon siya human nagpagawas og kamanduan ang Commission on Elections (Comelec) ngadto sa Department of Interior and Local Government (DILG), Armed Forces of the Philippines (AFP), National Police Commission (Napolcom) ug Philippine National Police (PNP) nga tumbukon ug pulbuson sa labing daling panahon ang mga armadong grupo nga naglihok sa Armm.
Matud sa Comelec nga posible nga manghilabot ang mga Private Armed Groups sa pagahimuon nga Voters General-re registration sa Armm sugod Hulyo 9.
Gipagawas sa Comelec ang deriktiba human gihangyo ni Hataman ang total gun ban atol sa voters general registration sa Armm.
Sa mga resolusyon sa Comelec numero 9444 ug 9445, kinahanglan nga mapungan sa upat ka ahensiya sa gobyerno sama sa AFP, PNP, Napolcom ug DILG ang mga armadong grupo sa pagpanghadlok sa mga botante.
Ilawom sa maong resolusyon sa Comelec, magtinabangay ang naasoy nga mga ahensiya aron makab-ot ang hapsay, malinawon ug tinuod nga general voter's registration sa mga probinsiya sa Sulu, Tawi-Tawi, Basilan, Lanao Del Sur ug Maguindanao.
Giklaro sa Comelec nga ang pagpagawas sa maong resolusyon subay sa Kontitusyon, Omnibus Election Code, Republic Act 8189 kun Voter's Registration Act of 1996. (Edgardo Fuerzas)
Gipatik sa mantalaang SuperBalita Davao Hunyo 18, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
