8 mananagat nakaplagan nga patay na
-A A +ATuesday, June 19, 2012
SARANGANI - Walo ka patay nga lawas sa tawo ang nakit-an nga naglutaw-lutaw sa lawod sa alas 2:00 sa hapon didto sa Balot Island, Davao del Sur.
Gibutyag ni Arlene Labajo sa Labajo Funeral Homes sa General Santos City nga ang nagtaho kanila mao ang pamilya sa mga nawagtang nga mananagat gikan sa Maasim, Sarangani Province.
Suma ni Labajo nga posibleng karong adlawa makaabot sa Pangyan sa Glan ug Maasim ang mga patay nga lawas nga gibutangan og ice aron dili mabaho.
Nasayran sa taho sa Office of Civil Defense sa Soccsksargen Region, mokabat pa sa 13 ka mananagat ang missing ug kasamtangan gipangita sa mga rescuers.
Mga biktima pulos mga mananagat nga nahanaw sa dagat dihang gikuso-kuso sila sa dagkong balod nga dala sa bagyong Butchoy niadtong miaging semana.
Uban nila giingon nga naluwas samtang 13 ang padayon nga gipangita sa kadagatan sakop sa Sarangani Bay.
Hinuon, ang pamilya sa mga biktima andam nga tabangan ni Congressman Manny Pacquiao ug Governor Miguel Dominguez. (Edgardo Fuerzas)
Gipatik sa mantalaang SuperBalita Davao Hunyo 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
