Nagkuha video footage sud sa restroom miangkon sa sala
-A A +ATuesday, June 19, 2012
USA ka lalaki nga giakusahang nagkuha og video footage sud sa restroom sa mga babaye sa hotel niadtong Hunyo 2011 mibakwi sa iyang “not guilty plea” ug iyang giangkon ang kasong gipasaka batok kaniya.
Si Mark Maglacion Romero, pinaagi sa iyang Public Attorney's Office lawyer Rudy Alonzo, mibasura sa iyang unang pahayag ug misud sa guilty plea aron paubsan ang silot nga mapailawom sa probation.
Si Romero gidemanda tungod sa paglapas sa Republic Act 9995, kun Anti-Photo and Video Voyeurism Act of 2009, human nasuta ni Prosecutor Gaye Magdagasang nga dunay probable cause nga taralon siya sa korte.
Iyang gikuhaan og video footage ang employee sa Nestle Philippines Inc. samtang ang nauwahi anaa sud sa restroom.
Ilawom sa balaod, si kinsa ang makalapas RA 9995 silotan sa lima ka tuig nga pagkabilanggo.
Apan, si Romero miduso sa iyang application for probation niadtong Mayo 9. Ang korte mitugot sa iyang hangyo ilawom sa proseso sa Parole and Probation Administration (PPA).
Sa affidavit sa nagreklamo, nahitabo ang insidente sud sa comfort room sa hotel alas 11:20 sa buntag niadtong Hunyo 21.
Anaa siya sa unang cubicle dihang iyang namatikdan nga milihok ang basurahan, ug sa iyang pagsusi nasuta nga dunay cellular phone nga ang camera nakapunting kaniya.
Nangayo og tabang ang biktima hinungdan nga migawas ang akusado sa ikaduhang cubicle sa comfort room. (Arianne Caryl Casas)
Gipatik sa mantalaang SuperBalita Davao Hunyo 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
