Aquino gibida reporma sa Armm

SI PRESIDENTE Benigno Aquino III mibida sa nagkadaiyang reporma nga naangkon sa Autonomous Region in Muslim Mindanao (Armm) nga gipatuman sa iyang administrasyon.

Si Aquino ang guest speaker sa Armm Convention on Local Governance nga gihimo diha sa Waterfront Insular Hotel ning siyudad.

"Ang mabuting pamamahala ay pundasyon ng mabuting samahan at ugnayan. Respeto, integridad upang makamit ang mithiin na tapat at epektibong pamumuno sa Armm," tipik sa mensahe ni Pnoy atubangan sa mga gobernador, nagkadaiyang opisyal sa Armm.

Giangkon sa presidente nga tungod sa di maayong imahe sa ARMM, naduhig sab ang kalambuan sa ubang bahin sa Mindanao, butang nga gihatagan og pagtagad sa gobyerno.

"Nakapagpatayo na tayo ng totoong paaralan. Nagpapasalamat tayo kay Mujiv Hataman, ang OIC na di po magiging posible ang lahat ng eto kung wala ang pakikiisa ninyo."

Gibida sab sa pangulo ang paghatag og pinansiyal nga insentibo sa kapin 400 ka LGUs nga mipakita og nindot nga perforcmance pinaagi sa pagpatuman sa nagkadaiyang proyekto ug programa alang sa publiko.

"Nakapagpalabas na tayo nga P520M na incentives sa mga katangi-tanging namuno. Di ba makatarungan din na magbigay tayo ng insentibo sa mga nagpakitang gilas," sigun sa presidente.

Nanawagan sab ang pangulo nga ang pundong gihatag kanila gamiton kini sa saktong pamaagi.

Dugang proyekto gihan-ay

Sa pikas bahin, subling gibida sa presidente ang P8.59B nga pundo alang ARMM nga kabahin sa transmission investment plan sa probinsiya.

Ang pundo gialokar sa paghimo og luwas nga patubig, health core shelter assistance alang sa naipit sa giyera, pagpahimo og farm to market roods, pagsugod sa electrification program sa mga ngiobpang dapit sa Armm, ug daghan pa.

"Huwag na nating ipagpabukas ang kaya nating isakatuparan ngayon. Papayag ba kayo na muling maghari ang karahasan?"

Gipa-isplikar sab sa pangulo ang mga ahensiya sa gobyerno nga wala pa makapatuman sa proyekto alang Armm.

"Dito sa listahan natin as of May 31, 2012, napakarami pa ang not yet implemented, yung iba on-going pa. Gusto ko maipatupad yung pinangako ko sa inyo."

Ni Pnoy kun di maka-isplikar og maayo ang usa ka ahensiya kun nganong wala pa niini napatuman ang nahisgutang proyekto, posible nga ihatag ang pundo sa ubang ahensiya.

"Eto pong not yet started, dapat may maganda silang paliwanag kung bakit. They use it or lose it. Kung saan ililipat ko eto sa ahensiya na mas mahusay ang performance. At pagdating ulit na hihingi sila ng badget kailangan maganda ang paliwanag nila bakit mabagal ata ang paggamit ng pundo," pahayag sa presidente. (Rhona O. Goc-ong)