Gun ban sa Armm hugot nga ipatuman - DILG

ANG Department of Interior and Local Government (DILG) misaad nga hugtanong ipatuman ang gun ban sa Autonomous Region in Muslim Mindanao (Armm), subay sa voters registration nga himuon sa dapit karong Hulyo 9-18, ning tuig.

"Layunin natin na ipatupad ang gun ban, na walang sasantuhin, sino man ang magkasala ay mananagot," sigun ni Jesse M. Robredo, DILG secretary atol sa Armm Convention on Local Governance diha sa Waterfront Insular Hotel ning siyudad kagahapon.

Gidugang ni Robredo nga kinsa man kadtong maghuna-huna nga molapas sa maong kamandoan, huna-hunaon sab ang mamahimong dangatan sa ilang pangayoan og tabang aron sila maka-ipsot.

Alang sa kalihim nga kabahin kini sa kampanya sa gobyerno nga ipatuman ang transparency ug patas nga pagpatuman sa balaod.

Matud niya nga kon ang usa ka gitudlong opisyal sa dapit dunay hulga sa kinabuhi, mamahimo silang mo-request og seguridad alang kanila.

"Kung ang problema is baril, then bibigyan natin kayo ng uniform personnel na may baril. Yung permit to carry firearms is suspendido din. Gagawin natin to para makamit ang peace and order na hinahangad natin," dugang ni Robredo.

Walay ektensiyon

Gibarugan sab ni Robredo nga walay mamahimong ektensiyon sa himuong voter's registration sa Armm.

Niya pa, di sa tanang panahon nga ang proseso maoy mo-adjust ngadto sa tawo.

"Dapat ang tao matuto ding mag-adjust sa sistema. Ayaw nating isipin na may extension kasi yung tao andiyan yung last minute habit na kung kelan yung deadline diyan na magkukumahog."

Ang votere's registration sa Armm himuon sa napulo ka adlaw, diin kabahin kini sa himuong piliay sa lugar nga idungan sa eleksiyon karong 2013.
Sigun ni Robredo nga mogamit og kapin 900 ka registration machines nga gamiton sa kapin dos mil ka mga barangay nga sakop sa Armm.

"We ask the mayors to dessiminate the information especially sa pag-cluster ng barangays for the registration."

Gipasalig sab ni Robredo nga tapuson ang pagparehistro sa gitakda nga deadline ug ipaneguro ang seguridad sa katawhan sa lugar.

Gikatakda sab nga mohimo og tigum ang mga pulis ug militar sa Armm aron sabutan ang pagplastar sa seguridad, subay sa voter's registration. Sa gihimong tigum sa mga opisyal gikan ARMM kagahapon, si Presidente Benigno Aquino III ang pinasidunggan nga bisita. (Rhona O. Goc-ong)