Nagbantay sa SMI gi-ambush, 2 angol
-A A +AWednesday, June 20, 2012
DUHA ang naangol sa nahitabong pagpamanhig ala 1:30 kagahapon sa hapon didto sa Sitio Maclak, Barangay Kimlawis, Kiblawan, Davao del Sur.
Mga biktima giila nga sila PO2 Rey Tonzo ug Retired Police Supt. Villamindo Hectin kinsa gidala sa duol nga tambalanan.
Sa pagsuwat ni balita, padung na sa nahitaboan sa insidente ang kapulisan sa Kiblawan Police Station.
Si Police Supt. Marcial Magistrado, tigpamaba sa Police Regional Office (PRO) 11, nagbutyag sa Superbalita nga si PO2 Tonzo nadestino sa Davao del Sur Public Safety Company.
Si Hectin, dugang sa opisyal, kasamtangan nga security consultant sa Saguittarius Mines Incorporated nga nadestino sa Barangay Kimlawis.
"Based on spot report, they were ambushed by unidentified armed group. Ongoing pa rin ang investigation ng Kiblawan Police headed by Police Inspector Arnold Absin," pahayag ni Magistrado.
Dunay di kompirmadong report nga dunay namatay sa insidente, apan wa pa kini gikumpirma sa maong opisyal. (Alger Dura)
Gipatik sa mantalaang SuperBalita Davao Hunyo 21, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
