Kahuyang sa tribu gipahimuslan: Paniza
-A A +AMonday, June 25, 2012
CAMP PANACAN, Davao City -- Gibatikos sa opisyal sa militar ang National Democratic Front-Far South Mindanao (NDF-FSM) nga nagpahimulos sa kahuyang sa tribung B'laan sa Davao del Sur.
Si 10th Infantry Division spokesperson Lieutenant Colonel Lyndon Paniza nagsaway sa NDF-FSM sa paggamit sa “pangayaw” sa tribu aron magpadayon ang ilang pagpangilkil.
"They are taking advantage on the susceptibility of this tribe for their own personal gains to the extent that the tribe's cultural and sacred practice is being used for criminalities," suma ni Paniza.
Siya midugang nga mga B'laan kinahanglan nga di tawagong rebelde tungod kay nagpuyo silang malinawon ug respetado silang mga tawo.
Suma niya nga ang pangayaw himuon sa pagpanalipod sa ilang tribu, pagtuo ug kaugalingnan.
Si Paniza nagkanayon nga ang samang praktis usa paagi sa tribu aron sulbaron ang wala mahusay nga isyu mao nga respetuhon sama sa ubang tribu sa rehiyon.
Usa ka inilang Tribal Chieftain, kinsa naghangyo nga di ibutyag ang pangalan tungod sa seguridad, mitiyabaw sa pahayag nga Pangayaw sa tribung B'laan ang responsable sa nahitabong pagpamanhig Sitio Bongmal, Barangay Kimlawis, lungsod sa Kiblawan, Davao del Sur niadtong Miyerkules, Hunyo 20.
Sa maong hitabo, namatay si Retired Police Superintendent Villarmino Hectin ug PO2 Rey Tonzo.
Suma sa tribal chieftain, ang pangayaw isa ka pagpasipala sa ilang kultura ug kustombre.
Dugang niya nga ang pangayaw usa ka sagrado nga praktis nga di gamiton aron lamang makabenepisyo ang pipila. (Alger P. Dura)
Gipatik sa mantalaang SuperBalita Davao Hunyo 26, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
