Gidunggab, kritikal
-A A +ATuesday, June 26, 2012
JOSE ABAD SANTOS -- Nasikpaw sa kapulisan ang suspetsado nga nagluba sa usa ka ulitawo nga kritikal karon sud sa balay tambalanan didto sa Barangay Balangonan.
Ang pagkasikop sa suspetsado nga Geofrey John Badeviso, 30, nahitabo sa dihang milusad og follow-up operation ang kapulisan sa Jose Abad Santos Police Station human giluba si Christopher Bayang, 23, ulitawo, laborer, ug molupyo sa naasoy'ng dapit.
Sumala ni Police Officer 3 Nestor Branzuela, imbestigador sa Jose Abad Santos Police Station, nahitabo ang pagpangluba alas 7:00 sa buntag niadtong Dominggo.
Dugang ni Branzuela nga nagsakay ang biktima og kabaw nga nagguyod og balsa ug dunay karga nga mga semento sa dihang giatngan sa suspetsado ug dayong giluba.
Ang biktima naigo sa iyang tuong bahin sa liog ug likod sa lawas. Kasamtangang giatiman karon ang biktima sa Diangan Medical Hospital sa dakbayan sa General Santos.
Gipriso na ang suspetsado sa selda sa kapulisan ug gihikay na ang kasong ipasaka batok kaniya. (Orlando B. Dinoy)
Gipatik sa mantalaang SuperBalita Davao Hunyo 27, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
