Namaligya og ukay-ukay gitipi
-A A +ATuesday, June 26, 2012
COTABATO CITY -- Usa ka vendor sa ukay-ukay ang gipusil patay alas 7:30 sa gabii niadtong Lunes.
Giila sa kapulisan ang biktima nga si Boyet Sabana, 37, minyo, ug molupyo sa LR Sebastian Street, Barangay Rosary Heights 5.
Gikanayon ni Cotabato City Police Office Director Danny Reyes nga nagtindog lang si Sabana atbang sa iyang bay sa dihang nahitabo ang pagpamusil.
Sumala pa nga kalit lang siyang giduol sa duha ka wala mailhing lalaki ug dayong pusil gamit ang kalibre .45 nga pistola.
Patay gilayon si Sabana nga naigo sa iyang ulo ug likod samtang ang mga suspetsado abtik nga misibat sakay sa usa ka motorsiklo paingon sa wala matino nga dapit.
Mga suspetsado gihulagway sa mga testigo nga pulos nakasul-ob og helmet hinungdan nga wala nila mamay-ungi.
Sa kasamtangan, blangko pa ang kapulisan sa motibo sa pagpatay sa biktima ug padayon ang ilang imbestigasyon. (Edgardo Fuerzas)
Gipatik sa mantalaang SuperBalita Davao Hunyo 27, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
