Tribal chieftain, suspek sa pagpamusil
-A A +AFriday, June 29, 2012
KIBLAWAN, Davao del Sur - Usa ka tribal chieftain ang gitudlo nga nagpusil sa iyang silingan dihang nag-abot alas 10:20 sa gabii niadtong Huwebes didto sa Barangay Waterfall.
Sumala ni Senior Police Officer 1 Allan Dave Parantar sa Kiblawan Police Station nga usa ka Arnold Montebon, 30, minyo ug molupyo sa maong lugar, naigo sa likod nga bahin sa lawas ug walang bahin sa siko human gipusil.
Gidala ang biktima ngadto sa Gregorio Matas District Hospital.
Dugang ni Parantar nga ang biktima mismo maoy mitug-an kanila nga si Danny Pomperada, tribal chieftain sa maong lugar, maoy nagpusil kaniya.
Hinuon, boluntaryong nitahan ngadto sa kapulisan si Pomperada apan gilimod ang pasangil ni Montebon.
Uban nga gitahan ni Pomperada ang usa ka paltik nga 9mm kaliber nga pistola (Thompson) nga dunay magazine nga kargado og pito ka mga buhing bala.
Gitin-aw ni Parantar nga personal nga panagbingkil sa duruha ang hinungdan sa pagpamusil.
Gikostudiya na sa selda sa kapulisan sa Kiblawan PNP ang suspetsado. (Orlando B. Dinoy)
Gipatik sa mantalaang SuperBalita Davao Hunyo 30, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
