Seminar sa Comelec-Davao gitakda himuon
-A A +ASaturday, June 30, 2012
GENERAL SANTOS CITY - Ipailawom una og seminar ang mga personahe sa Commission on Election (Comelec) sa Davao Region nga maoy mopahigayon og general voters registration sa Autonomous Region in Muslim Mindanao (Armm) gitakda sa Hulyo 9 hangtud 18 ning tuiga.
Matud pa ni Atty. Jose Villanueva, Comelec officer sa General Santos City nga sa Hulyo 4 hangtud 7, gitakda ang ilang seminar sa Cotabato City.
Ang seminar sa ubang mga personahe sa Comelec sa tibuok nasud mahitabo sa Zamboanga City.
Dugang ni Villanueva nga sa Maguindanao idestino ang mga personahe sa Comelec-GenSan uban ang South Cotabato.
Nasayran nga nagpagawas og kamandoan ang Comelec national office nga i-undang ang voters registration sa tibuok nasud aron tutukan ang general registration sa Armm.
Ang tanang mga personahe sa Comelec sa tibuok nasud moabag sa GVR sa Armm. (Edgardo Fuerzas)
Gipatik sa mantalaang SuperBalita Davao Hulyo 01, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
