Nagkidnap, nagpatay sa tiguwang mitahan
-A A +AMonday, July 2, 2012
NITAHAN ngadto sa buhatan sa Regional Inteligence Division (RID) sa Regional Police Office ang nagkidnap ug nagpatay sa tiguwang gabii niadtong Hunyo 27 sa apartment didto sa Bacaca Road, Barangay 19-B, siyudad sa Davao.
Mitahan si Michael Decentecio, 36, minyo ug taga #5, Kilometer 6, Mc Arthur Highway, Matina ngadto kang Senior Superintendent Michael John Dubria, hepe sa RID niadtong Dominggo.
Dala ni Decentecio ang nahibilin sa gipangayo niyang ransom money nga kantidad og P5 milyon sa pagkidnap sa biktima nga si Eduardo Valdez nga taga Tagum City, kinsa uyoan ra usab sa suspetsado.
Mokabat na lang P3,678,288.00 ang nahabilin nga kuwarta nga gipangayo sa suspetsado gikan sa pamilya sa biktima.
Nasayran nga gikan pa sa Manila si Decentecio kinsa daling misibat human sa panghitabo.
Nasayran nga nagpakaaron-ingnon pa nga maoy nagpatunga si Decentecio sa mga kidnaper ug pamilya samtang gihimo ang negusasyon sa pagkuha sa ransom money.
Giandam na sa kapulisan ang kasong kidnapping ug pagpatay batok kang Decentecio ngadto sa korte. (Blue Cordero)
Gipatik sa mantalaang SuperBalita Davao Hulyo 03, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
