7 mayor nalambigit sa illegal logging giimbestigahan
-A A +ATuesday, July 3, 2012
ANG Department of Interior and Local Government (DILG) nagsusi karon sa pito ka mga local chief executives sa tibuok nasud tungod sa pagkalambigit sa illegal logging.
Si DILG Undersecretary Austere Panadero nagbutyag kagahapon nga sa pito, lima kanila anaa sa Caraga region.
Siya nagkanayon nga ang mga mayor gipatubag karon sa akusasyon.
"From there, the appropriate charges will start. Our investigation is ongoing for validation and counterchecking. Madali lang naman kasi mag allege eh," pung ni Panadero.
Si Panadero nagsulti nga tulo ka tuig ang milabay ilang giimbestigahan ang mga mayor tungod sa pagkalambigit sa pagpamutol og kahoy apan nasuta nga negatibo.
Ang undersecretary nagkanayon nga ning panahona, kon masuta nga sad-an ang mga mayor, tukmang kaso ang ilang ipasaka batok sa mga politiko.
Niadtong miaging semana, 31 ka mga opisyales sa Department of Environment and Natural Resources ang gitaktak sa pwesto tungod sa pagkapakyas sa pagsumpo sa illegal logging. (BOT)
Gipatik sa mantalaang SuperBalita Davao Hulyo 04, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
