Lola gilugos, gitadtad
-A A +AWednesday, July 4, 2012
KIDAPAWAN CITY -- Wala nay kinabuhi nga nakaplagan ang usa ka 51 anyos nga lola nga gituohang gilugos alas 10 sa gabii niadtong Martes.
Giputlan sab ug duha ka tiil ang biktima ug gikuhaan ug usa ka totoy sa wala pa mailhing mga mamumuno.
Nailhan ang biktima nga mao si Kungan Abid, minyo ug molupyo sa Sitio Bliss, Barangay Katidtuan, Kabacan, North Cotabato.
Nasayran gikan kang Kabacan Chief of Police Superintendent Raul Supiter nga tulo na ka adlaw nga nawala ang biktima sukad nga nanglaba sa sapa nga duol nag sa ilang balay.
Nakit-an ang patay nga lawas sa biktima nga naglutaw-lutaw sa Rio Grande de Mindanao sa Sitio Bialong, Barangay Bulod, Pagalungan, Maguindanao.
Dali nga nagresponde ang mga sakop sa 7th Infantry Battalion sa Philippine Army nga gipangulohan ni First Lieutenant Aries Dela Cuadra uban ang Pagalungan Police Station.
Nasuta sa otoridad nga gilugos ang biktima ug pagkahuman gipatay sa mga suspetsado pinaagi sa pagpusil gamit ang wala pa matino nga armas.
Sa kasamtangan, padayon nga nag-imbestiga ang hiniusang puwersa sa kapulisan sa Kabacan ug Pagalungan kalabutan sa mangilngig nga kamatayon sa biktima.
Gipatik sa mantalaang SuperBalita Davao Hulyo 05, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
