150 pamilya nabahaan
-A A +AMonday, July 9, 2012
TACURONG CITY -- Moabot ngadto sa 150 ka pamilya ang naapektuhan sa pagbaha sugod pa niadtong adlaw nga Sabado didto sa probinsiya sa Sultan Kudarat.
Si Henry Albano, Provincial Social Welfare and Development officer, nagsulti nga grabeng giigo sa baha mao ang Barangay Daguma ug Minapawan sa munisipyo sa Bagumbayan.
Suma ni Albano nga usa ka gatus ka bay ang gilunupan og 150 ka pamilya ang naapektuhan sa baha.
Nagsugod pagbaha sa Bagumbayan ug mga kasikbit dapit gumikan sa walay puas nga pag-ulan ug pag-awas sa Allah River.
Gawas niini, 500 sab ka ektarya sa pananom nga mais ug humay gibanlas sa baha diin minilyon ang nahimong damyos.
Hinuon, walay naangol o namatay sa maong pagbaha gumikan kay dali nga nakahikling ang mga molupyo ngadto sa mga luwas nga lugar.
Nagpadayon karon ang damage assessment sa kagamhanang probinsiyal aron matabangan dayon ang mga biktima sa baha. (Edgardo Fuerzas)
Gipatik sa mantalaang SuperBalita Davao Hulyo 10, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
