Marijuana plantations giukoy: PDEA

LUYO sa pagmonitor sa pagsud sa shabu dinhi sa rehiyon, gitutukan sab sa Philippine Drug Enforcement Agency (PDEA) ang marijuana plantations dinhi.

Giangkon ni Emmerson Rosales, regional director sa PDEA-Northern Mindanao, nga may areas silang gina-monitor nga gitamnan og marijuana.

"We also consider those areas na nasa malalayo kung saan dun tinatanim yung marijuana. Ang pinapabantay nila mga Bilaan. Yung lumads kasi na yun they prefer to care marijuana kesa yung other agri products," ni Rosales sa Kapehan sa Dabaw.

Partikular nga gibantayan nila ang mga dapit sa Kiblawan, Compostela Valley, Davao Oriental, dungan sa pag-ingon nga wala pa kaayo silay na-monitor nga sama niini nga aktibidad sa Davao del Norte.

Gidugang ni Rosales nga sa pagpanglabay sa panahon nagkataas ang demand sa druga, nagkadaghan sab ang tawong nadakpan, lakip na ang druga nga ilang nakumpiska.

Apan pagklaro niya nga kini tungod sa pakigbulig kanila sa publiko.

"Di naman dahil tumaas yung bilang ng nadakip natin, we are not doing anything. It's a proof na yung public is helping us in our campaign. The information they gave help us to strengthen more our campaign and monitor those areas na merong illegal drug activity."

Sa rekord nga gipresenta ni Rosales, gikan Enero-Abril 2012 nakahimo sila og 133 ka drug-operation, mas taas kini sa 76 ka operasyon nila sa nakalabay nga tuig sa samang period.

Samtang anaa sa 100.8 gramos sa shabu ang ilang nasignit sa 2012, mas midoblesa ihap niadtong 2011 nga anaa lamang sa 52.3 grams.

"While sa price, shabu and other drugs by 2011 umabot siya ng P1.1 million sa 2011 while P1.3 million nung 2012 from January-April 2012."

Giangkon ni Rosales nga lisud pitulon ang druga dinhi sa siyudad, apan niya kontrolado nila kini.

Ni Rosales, nga gibantayan sab nila ang mga coastal barangays sa siyudad nga “vulnerable” sa operasyon sa druga. (Rhona O. Goc-ong)