Kumander Lastikman, 10 pa priso mipuga
-A A +ATuesday, July 10, 2012
COTABATO CITY - Onse ka mga piniriso ang mipuga gikan sa Maguindanao Provincial Jail ala 1:30 sa kaadlawon kagahapon.
Mga mipuga giila nga sila Datukan Samad alyas Kumander Lastikman, Anwar Maguid, Sahid Maginga, Basco Puas, Abel Unsing, Tin Tin Omar, Puna Baulo, Bangon Usop, Siki Pilas, Ligi Gimbal ug Ampoy Gimbao.
Sumala ni Maguindanao Provincial Jail Warden Kasan Odin nga gigabas sa mga priso ang puthaw nga bentana sa ilang kasilyas ug mikatkat sa pader agi sa punoan sa lubi pagawas sa bilanggoan.
Sa dihang gilutos sa mga sakop sa Bureau of Jail Management and Penology (BJMP) uban ang pag-abag sa Philippine Marines, 6th Infantry Division sa Philippine Army ug kapulisan duha sa mga piniriso nga sila si Basco Puas ug Boy Usop nadakpan og balik didto sa Barangay Poblacion Uno.
Kahinumdoman nga si Datucan Samad alyas Kumander Lastikman ang gisulayan sab og luwas sa iyang mga kaubanan sa Kidapawan City Jail apan napakyas.
Sa dihang misibat na ang mga rebelde, mipabusikad sila og improvised explosive device (IED) nga hinimo sa usa ka bala sa 81 mm mortar hinungdan nga nga duha ang namatay ug 17 ang naangol.
Samtang nasayran sab nga gibasura ni North Cotabato Regional Trial Court 12 Branch 15 Judge George Jabido ang kaso ni Lastikman gumikan sa kakulang sa mga ebidensiya ug testigo.
Apan wala gihapon siya gipagawas sa prisohan gumikan sa giatubang niya nga kasong multiple murder, extortion ug kidnapping sa Maguindanao.
Sa kasamtangan, gipahugtan pa sa otoridad ang paglutos sa nahibilin nga mga priso nga nakaikyas apil na si Kumander Lastikman. (Edgardo Fuerzas)
Gipatik sa mantalaang SuperBalita Davao Hulyo 11, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
