Duterte di mokomento sa kaso pagpakaon og papel

HUMAN nangayog pasaylo si Manolito Gavas kinsa lider sa mga squtters sa Victoria Village kang Bise Mayor Rodrigo Duterte, apan gitubag siya sa bise mayor nga walay personalan.

Sumala sa bise mayor nga trabaho lamang ang gihimo niyang aksiyon sa gihimo ni Gavas nga pagpangilog og luna nga gipanag-iyahan ni Victoria Reformina.

Si Gavas nangayo og pasaylo sa bise mayor samtang napriso sa Talomo Police Station ug mihangyo nga papaulion na kini sa Bohol.

Aminado si Duterte nga duna nay gipasaka nga kaso batok kaniya ang Commission on Human Rights ngadto sa Department of Interior and Local Government kalabutan sa isyu nga pagpakaon niya og papel kang Gavas.

Wa na mihatag og dugang komento ang bise mayor kalabot sa maong isyu.

"I think there is time for everything. Now is the time for silence kay naa na sa korte ang kaso. Magpa-imbestiga sa ko sa DILG una nato hisgutan ang kaso," Pamahayag ni Duterte atol sa iyang programang Gikan sa Masa, Para sa Masa. (Blue Cordero)