Duterte mipaklaro sa baruganan sa pagmina
-A A +ASunday, July 15, 2012
SUBLING gipaklaro ni Bise Mayor Rodrigo Duterte ang iyang baruganan sa pagmina hilabi na kung buhaton kini dinhi sa siyudad sa Davao.
"I would like to inform the national leadership nga kining akong pagtutol, pagbabag sa mining dates way way back katong unang panahon nga dunay murag mining site diha sa Calinan nga na-discover," pamahayag ni Duterte.
Kini mao ang pamahayag sa bise mayor sa iyang programang Gikan sa Masa, Para sa Masa.
Ang pahayag sa opisyal miguwa human nasayran ni Duterte nga duna nay 40 ka mga probinsiya ang mipasa og ordinansa nga mibabag sa gipirmahan na nga mining policy ni Presidente Benigno Aquino III nga mao ang Executive Order No. 79.
Suma ni Duterte nga iyang nahinumduman kaniadto nga nagka gubot ang lugar diin dunay nagmina sa lugar sa Calinan tungod kay ang kasagaran nga nagmina didto dunay mga impluwensiya ug dunay mga armas.
"Pagdating ko doon noon, kung kinsa lay naay armas, kinsa lay tigas ang makasugod og bangag, nagkut-kot. And it was really kung sino lang ang maraming armas and may impluwensiya ang nandoon," sulti ni Duterte.
Dugang niya nga iya lamang kini nga baruganan, apan wa nagpasabot nga iya nang gisungag ang presidente.
Supak usab si Mayor Sara Duterte-Carpio sa pagmina dinhi sa dakbayan. (Blue Cordero)
Gipatik sa mantalaang SuperBalita Davao Hulyo 16, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
