3 nangransak og bay sikop
-A A +AMonday, July 16, 2012
NASIKOP sa kapulisan ang tulo ka mga lalaki kinsa gitudlong nangransak og balay alas 3:30 sa kaadlawon kagahapon didto sa St. Anthony Village, Barangay Angliongto, siyudad sa Davao.
Ang mga suspek mao sila Alvin Maru Audian, 23, out of school youth, taga Sto. Rosario, Kilometer 12, Sasa ug ang laing duha pulos mga menor de edad nga sila alyas Ren-ren, 14, ug alyas Jess, 13.
Sa imbestigasyon sa Sasa Police Station, nasayran nga gisulod sa mga suspek ang panimalay ni Emmanual Dultra Maniquis, 54, minyo ug taga No. 191, Nazareth Street, Saint Anthony Village, Barangay Angliongto.
Gipanglimas sa mga suspek ang nagkadaiyang klase sa mga alahas nga dunay kantidad nga P90,000, lakip na ang 1,000 dollars ug kuwartang kantidad og P10,000.
Nakasulod ang mga suspek pinaagi sa pagguba sa doorknob sa pultahan sa atubangan sa balay.
Nasikop ang tulo pinaagi sa gihimong follow-up operations sa kapulisan sa pagpanguna ni P/Sr. Insp. Carlito Apilat.
Giandam na nga ipasaka ang kasong Robbery batok sa tulo ka mga suspek. (Blue Cordero)
Gipatik sa mantalaang SuperBalita Davao Hulyo 17, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
