Babaye nga rebelled mitahan sa militar
-A A +AMonday, July 16, 2012
SARANGANI PROVINCE - Usa ka babayeng rebelde nga mitahan sa kaugalingon ngadto sa militar alas 10 sa buntag niadtong Dominggo.
Gibutyag ni Colonel Adolfo Espuelas, commanding officer sa 73rd Infantry Battalion sa Philippine Army, nga ang misurender nailhan sa pangalan nga si Dayal Masangga, alyas Lisa, 27, taga Sitio Bulil, Barangay Sapo Masla, Malapatan.
Gitin-aw ni Espuelas nga si Masangga maoy kanhi team leader sa Bravo Squadro sa Platoon Mazda sa Guerilla Front 71 sa New People's Army (NPA). Bitbit ni Masangga sa pagtahan ang usa ka granada.
Nasayran nga kaniadtong 1998 pa gi-rekrut ang nahisgutang rebelde ug gawas-sulod na sa kalihukan.
Si Masangga nagsulti nga gikapoy na siya sa ilang kalihukan ug gusto na nga manginabuhi nga malinawon uban ang iyang mga mahal sa kinabuhi.
Daghan na sab sa mga rebelde nga naglihok sa utlanan sa Sarangani ug Davao del Sur ang nagkasakit og malaria diin buot na nga mobalik sa sabakan sa balaod.
Giaghat ni Espuelas ang mga rebelde nga mosurender na ug gipasaligan nga andam sab ang kagamhanan sa pagtabang kanila. (Edgardo Fuerzas)
Gipatik sa mantalaang SuperBalita Davao Hulyo 17, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
