Buta naghikog
-A A +ATuesday, July 17, 2012
STA. CRUZ, Davao del Sur - Usa ka 46 anyos nga buta ang nabangalan nga wa nay kinabuhi human naghikog didto sa Barangay Tagabuli.
Sa taho nga nahidangat sa Sta. Cruz Police Station, alas 11:44 sa gabii niadtong Lunes nahitabo ang insidente.
Si Barangay Kagawad Ricardo Abonales, kinsa maoy nagpahibawo sa mga otoridad, nag-ila sa biktima nga mao si Alberto Lumanas, ulitawo.
Nadiskobre ang hitabo sa igsuon sa biktima nga si Jerbacia, 51.
Iyang nakit-an nga ang biktima naghigot og pisi sa iyang liog ug nagbigti.
Matud ni Jerbacia ngadto sa kapulisan nga niadtong Hulyo 14, nagpasidaan na ang biktima nga maghikog siya tungod sa sakit nga ulcer.
Nasayran nga misulay na diay og hikog ang biktima kaniadto apan napugngan sa igsuon.
Bisan way nakita ang kapulisan nga foul play, mihimo pa gihapon sila og imbestigasyon sa maong hitabo aron nga makaseguro. (Orlando B. Dinoy)
Gipatik sa mantalaang SuperBalita Davao Hulyo 18, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
