Anak sa kagawad naghikog
-A A +AWednesday, July 18, 2012
STO. TOMAS, Davao del Norte - "Goodbye friends and family."
Kini maoy nahimong unod sa gamay nga papel nga sulat ug pirmado sa usa ka barangay record keeper nga naghikog sulod sa balay alas 12 sa udto niadtong Martes.
Ang biktima napalgan mismo sa iyang balay nga nagpakamatay didto Barangay Kimamon.
Naila ang biktima nga si Reynante Dabi, 34, ulitawo, record keeper sa Barangay Kimamon, Sto. Tomas, Davao del Norte ug anak sa usa ka kagawad nga si Ceriaco.
Mismong ang amahan sa naghikog maoy nakakita sa biktima sulod sa ilang balay nga nagbitay na.
Gisulayan og tabang sa amahan ang biktima pinaagi sa pagtangtang sa pisi ug giplastar sa salog aron nga maluagan ang itom nga twine nga maoy gihigot sa iyang liog.
Nakita ang gamay'ng papel nga nahisulat ang pagpanamilit ug gikompirma sa mga tagtungod nga agi'g sulat kamot sa biktima.
Kapulisan nagkanayon nga way foul play nga nahitabo sa kamatayon ni Dabi.
Wala pa hinuon masayri kung unsa gayud ang dakong problema sa biktima nganong naghunos siya sa kinabuhi. (Teddy Cabana)
Gipatik sa mantalaang SuperBalita Davao Hulyo 19, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
